Ungmennaráð

Fjallað var um stöðu mála varðandi vinnu ungmennaráðs í að leggja til bættri útileiksvæðum fyrir börn í Suðurnesjabæ. Einnig var rætt um hlutverk Ungmennaráðs og að starfsmenn og bæjarfulltrúar leiti til þeirra til að ráðið geti sinnt sínu hlutverki sem skildi.

Rætt var um stöðu málsins en búið er að reyna að ná samkomulagi við Heilsukassann og Ölgerðina varðandi samning um að hafa sjálfssala sem fyrirtækin sæu um en það hefur ekki gengið bæði vegna staðsetningar sveitarfélagsins og vöruúrvals sem í boði yrði. Niðurstaðan sé að best sé að kaupa sjálfsala til eignar sem nemendur í skólunum geta rekið og valið hvað er í boði í sjálfsölunum og gæti það verið á sama tíma verið fjáröflun fyrir skólaferðalög. Hugsunin með verkefninu væri einnig að að krakkarnir séu að halda sér á skólalóðinni á skólatíma, velja heilsueflandi fæði til framboðs og slíkt verkefni gæti verið kjörið tækifæri fyrir ungmenni að læra að eigin raun um viðskipti og rekstur.

Rætt um stöðu mála á að setja niður gervigrasvöll í Suðurnesjabæ og mikilvægi þess að fá bætta aðstöðu fyrir íþróttir í Suðurnesjabæ.

Dagskrá heilsuviku í Suðurnesjabæ kynnt.

Þar sem þessi fundur er síðasti fundur þessa Ungmennaráðs voru umræður um skoðanir fulltrúa hvað væri hægt að gera betur. Umræður snérust um að fleiri fundir þyrftu að vera á hverju tímabili a.m.k. 1 sinni í mánuði. Erindisréfið þyrfti að vera þannig upp sett að allir fulltrúar fari ekki á sama tíma og að eitt ár hjá sumum fulltrúum er of stuttur tími, 3-4 ár væru passlegur tími fyrir hvern fulltrúa til að sitja í ráðinu. Einnig voru umræður um hlutverk Ungmennaráðs og mikilvægi þess að starfsmenn og bæjarfulltrúar leiti til þeirra varðandi málefni sem varða börn til að ráðið geti sinnt sínu hlutverki sem skildi.