Gjaldskrá

 Félagsþjónusta

 * Ekkert gjald er innheimt ef ellilífeyrir eða örorkubætur eru einu tekjur viðkomandi

Fræðslu- og uppeldismál

 Afsláttarþegar:

Námsmaður: Er sá sem er í fullu námi eins og það er skilgreint í kennsluskrá viðkomandi skóla.Framvísa þarf staðfestingu um námsvist eftir hverja önn og er afsláttur leiðréttur eftirá.

Öryrki: Sá sem er á aldrinum 18-67 ára og hefur fengið samþykkt örorkumat hjá Tryggingastofnun ríkisins. Framvísa þarf skírteini TR.

Ellilífeyrisþegi: Sá sem uppfyllir skilyrði um lífeyristöku og fær greiddar lífeyrisgreiðslur.

Einstætt foreldri: Er foreldri sem býr eitt með barni/börnum sínum og er ekki í hjúskap.Skila þarf inn staðfestingu um hjúskaparstöðu og búsetuvottorði.

Tónlistarskóli Sandgerðis - skólaárið 2025-2026

*Fjölskylduafsláttur miðast við nemendur sem koma frá sama heimili

Tónlistarskóli Garðs - skólaárið 2025-2026

*Fjölskylduafsláttur miðast við nemendur sem koma frá sama heimili

Menningarmál

*Frítt skírteini fyrir alla íbúa og starfsmenn sveitarfélagsins

*Leigt er út fyrir barnaafmæli og útleiga er háð starfsemi hverju sinni. 

Leigutímabil er 1.sept-31.maí

*Útleiga er háð starfsemi hverju sinni.

Æskulýðs- og íþróttamál

Gjaldskrá byggingarfulltrúa

Samþykkt um gatnagerðargjald í Suðurnesjabæ

Gjald var uppfært í apríl 2025 í samræmi við byggingarvísitölu

Gatnagerðargjöld

Undanþegnar greiðslu gatnagerðargjalds eru eftirtaldar byggingar:

• Rými í lokunarflokki B s.s. fyrir lagnakjallara, bílakjallara, svalaskýli allt að 20 m² að flatarmáli.
• Stækkun á eldra íbúðarhúsnæði, 15 ára og eldra, allt að 30 m2 á hverja íbúð á hverju 10 ára tímabili. Af stækkun umfram 30 m2 greiðist fullt gatnagerðargjald eftir viðkomandi flokki.
• Óeinangruð smáhýsi minni en 15 m² að flatarmál sem eru undanþegin byggingarleyfi skv. byggingarreglugerð nr. 112/2012 gr. 2.3.5.

Stofngjald fráveitu

Byggingarleyfisgjöld

Afgreiðslu- og þjónustugjöld

Gjaldskrá vatnsveitu

Gjaldskrá vatnsveitu í þéttbýlinu í Sandgerði - PDF

Heimæðargjald vatnsveitu

Innifalið í heimæðargjaldi er allt að 30 metra lögn. Ef heimæð er lengri en 100 metrar skal samið sérstaklega um heimæðargjald. Heimæðargjald fyrir aðrar stærðir en nefndar eru er reiknað út hjá vatnsveitu sveitarfélagsins.

Vatnsveita - Mælaleiga

Þeim sem greiða skulu notkunargjald skv. 6. gr. skulu látnir i té vatnsmælar. Notandi skal sjá fyrir aðstöðu fyrir mæli. Vatnsveita er eigandi mælana og skal greidd fyrir þá ársleiga sem hér segir:

Mælaleigan tekur mið af vístölu byggingarkostnaðar. Gjalddagi leigugjalds fyrir mæli er 1. febrúar. Eindagi er 20 dögum eftir gjalddaga.

Umhverfismál 

Styrkir, afslættir og skilgreiningar með gjaldskrá 2025

Frístundastyrkur: Börn og unglingar, 0-18 ára, með lögheimil í Suðurnesjabæ eiga rétt á frístundastyrk að upphæð kr. 48.000 kr. þar sem eldri aldursmörk miðast við fæðingarár.

Heimgreiðslur:  Heimgreiðslur eru kr. 100.000 fyrir hvern mánuð. Fyrsta greiðsla er að loknum réttindum til fæðingarorlofs, eða frá þeim tíma sem sótt er um heimgreiðslur. Síðasta greiðsla er greidd þann mánuð sem barn verður tveggja ára, eða þar til barni er boðin innganga í leikskóla eða hefur hafið vistun hjá dagforeldri. Heimgreiðslur eru ekki greiddar eftir að barni hefur verið boðin innganga í leikskóla eða hefur hafið vistun hjá dagforeldri.

Dagvistun hjá dagforeldri: Að 18 mánaðar aldri eru kr.88.500 niðurgreiðsla á mánuði miðað við átta tíma vistun. Hlutfallsleg niðurgreiðsla fyrir skemmri vistun og kr. 106.200 fyrir *afsláttarþega m.v. fulla vistun. Frá 18 mánaðar aldri er kr.132.000 niðurgreiðsla á mánuði m.v. átta tíma vistun.

Skólamatur: Suðurnesjabær greiðir máltíðir nemenda í grunnskólum sveitarfélagsins að fullu.

Ferðastyrkir vegna framhaldsmenntunar: Nemar sem eiga lögheimili í Suðurnesjabæ og stunda framhaldsnám eiga rétt á ferðastyrk kr. 30.000 fyrir hverja námsönn, miðað við fullt nám. Skilyrði fyrir styrknum er að stundað sé lánshæft nám í dag- eða fjarnámi og ekki sé kostur að stunda námið á Suðurnesjum. Sækja skal um styrk fyrir haustönn eigi síðar en síðasta virka dag desembermánaðar og vorönn fyrir síðasta virka dag maí mánaðar. Skilyrði fyrir greiðslu er að námsmaður sýni fram á að námsframvindu, þ.e. unnar einingar á önn.

Leikskólar/dagforeldrar: Hægt er að sækja um afslátt á leikskólagjöldum vegna ýmissa ástæðna. Athugið að til að geta sótt um þarf umsækjandi að vera með sama lögheimili og barnið. Afslátturinn á einnig við um sjálfstætt starfandi leikskóla.

Fasteignaskattur: Einstaklingar 67 ára og eldri fá afslátt af fasteignaskatti frá og með næstu áramótum sem þeim aldri er náð.

Afsláttarþegar:

Þeir sem eru á tekubili neðangreindra fjárhæða tekna, fá hlutfallslegan afslátt miðað við viðmiðunartekjur:

• Námsmaður: Er sá sem er í fullu námi eins og það er skilgreint í kennsluskrá viðkomandi skóla. Framvísa þarf staðfestingu um námsvist eftir hverja önn og er afsláttur leiðréttur eftirá.
• Öryrki: Er sá sem er á aldrinum 18-67 ára og hefur fengið samþykkt örorkumat hjá Tryggingastofnun ríkisins. Framvísa þarf skírteini TR.
• Ellilífeyrisþegi: Sá sem uppfyllir skilyrði um lífeyristöku og fær greiddar lífeyrisgreiðslur.
• Einstætt foreldri: Er foreldri sem býr eitt með barni/börnum sínum og er ekki í hjúskap. Skila þarf inn staðfestingu um hjúskaparstöðu og búsetuvottorði.

Fasteignagjöld og útsvar 

Útsvarsprósenta í Suðurnesjabæ er 14.97%

Gjalddagar fasteignagjalda eru alls 10, frá 1. febrúar til og með 1. nóvember. Eindagi er 30 dögum eftir gjalddaga.

Afsláttur af fasteignaskatti

Elli- og örorkulífeyrisþegum sem eiga lögheimili í Suðurnesjabæ er veittur afsláttur af fasteignaskatti. Rétt til afsláttar eiga íbúðareigendur í sveitarfélaginu sem búa í eigin íbúð og eru 67 ára eða eldri eða hafa verið úrskurðaðir 75% öryrkjar fyrir 1. janúar 2025. Afsláttur nær einungis til þeirrar íbúðar sem viðkomandi býr í.

Veittur er afsláttur af fasteignaskatti miðað við heildartekjur viðkomandi, eftir reglum um afslætti og viðmiðunartekjur.

Þeir sem eru á tekjubili milli neðangreindra fjárhæða tekna, fá hlutfallslegan afslátt miðað við viðmiðunartekjur:

Gjaldskrá Sandgerðishafnar 2025

1. grein: Almenn ákvæði.

1.1 Um lagaheimild og tilgang
Gjaldskrá þessi fyrir Sandgerðishöfn er sett skv. heimild í 17. grein hafnalaga nr. 61/2003. Gjaldskráin á að vera við það miðuð að Sandgerðishöfn geti haft nægar tekjur til þess að standa undir rekstri hafnarinnar eins og lýst er í 5. tölulið 3. gr. hafnalaga.

1.2 Um stærðarviðmiðun

Við ákvörðun hafnagjalda samkvæmt stærð skipa skal miða við búttótonnatölu skipa samkvæmt alþjóðlegu mælibréfi, sem gefið er út eftir ákvæðum alþjóðasamþykktarinnar um mælingu skipa frá 1969 og lögum um skipamælingar nr. 50/1970.  Af öllum skipum skal greiða hafnargjöld til hafnarsjóðs ef þau koma inn á athafnasvæði hafnarinnar og njóta þjónustu þar.

2. grein: Skipagjöld

2.1 Lestargjöld

Af öllum skipum skal greiða lestargjald kr. 21,50 pr. br. tonn, en þó ekki af fiskiskipum stærri en 100 br. tonn oftar en tvisvar í mánuði.

2.2 Bryggjugjöld

Af öllum skipum sem leggjast að bryggju skal greiða kr. 12,00 pr. br. tonn pr. dag, þ.e. fyrir hvern byrjaðan dag sem skipið er í höfn.

Fiskiskip greiða þetta gjald ekki oftar en 26 daga í mánuði.

Gjald fyrir legu við flotbryggju er kr. 720 á dag,- eða fast gjald kr. 18.350 á mánuði.

Gjald fyrir legu við flotbryggju í einkaeign er kr. 540 á dag, eða fast gjald kr. 13.500 á mánuði.  Skipagjöld eru innifalin í flotbryggjugjaldi.  Skip sem liggja í höfn og eru ekki í rekstri greiða fullt bryggjugjald fyrir hvern legudag.

Skip sem legið hefur lengur en einn mánuð í höfn er skip sem ekki telst vera í rekstri.

3. grein: Vörugjöld.

3.1 Almenn ákvæði

Vörugjald skal greiða af öllum vörum sem losaðar eru úr skipi á land eða lestaðar eru í skip. Sama gildir um vörur sem fluttar eru milli skipa innan marka hafnarinnar, þó með þeim undantekningum er síðar getur. Fyrir vörur sem samkvæmt farmskrá skips eru ákveðnar til annarrar hafnar, skal aðeins greitt vörugjald ef vörurnar eru losaðar úr skipi og fluttar landleiðina til skráðs áfangastaðar. Undanþegnar vörugjaldi eru vörur sem látnar eru á land um stundarsakir vegna þess að þær eru fyrir öðrum vörum sem losa þarf og/eða vörur sem þarf að losa úr skipi um stundarsakir vegna viðgerða á skipi. Hér er um að ræða vörur sem fara aftur um borð í skip.

3.2 Undanþágur

Eftirfarandi vörur eru algerlega undanþegnar vörugjaldi:

Umbúðir, s.s. fiskikör, tómir gámar o.fl. sem eru endursendir.  Olía, vistir og aðrar nauðsynjar skipa til eigin notkunar. Almennar póstsendingar og farangur ferðamanna. Sorp og annar úrgangur sem fluttur er til eyðingar.

3.3 Um útreikning á vörugjaldi

Vörugjald skal reikna eftir þyngd vöru, með umbúðum og af hverri sendingu sérstaklega. Fara skal eftir farmskrá skips við útreikning vörugjalds. Skipstjóra eða útgerð skips er skylt að láta Sandgerðishöfn í té afrit af farmskrá. Sé engri farmskrá til að dreifa skal skipstjóri gefa drengskaparvottorð um vörumagn sem lestað hefur verið eða losað úr skipi hans.  Þyki yfirmanni hafnarinnar ástæða til getur hann hvenær sem er látið ákveða vörumagnið á þann hátt sem hann telur réttast.  Reynist vörumagnið vera meira en upp er gefið greiðir farmeigandi kostnaðinn.  Séu fleiri en ein vörutegund í sendingu ósundurliðaðar skal reikna vörugjaldið eftir þeirri tegund sem er í hæsta gjaldflokki.  Sjá nánar grein 5.1 í gjaldskrá þessari um framkvæmd á innheimtu vörugjalda og ábyrgð útgerðar flutningaskipa.  Vörur skal flokka til vörugjalds eftir því sem vörugjaldskrá tiltekur og gjaldið greiðist eins og þar segir.  Vörugjald af sjávarafla reiknast af verðmæti (sjá nánar útskýringar í 5. fl., lið 3.4 hér í vörugjaldskránni).  Lágmarksgjald í öllum flokkum vörugjalds er kr. 440 fyrir hvert tonn.

3.4 Vörugjaldskrá

1. fl.:  Gjald kr. 475 pr. tonn.
Dýrafóður s.s. hakkaður og frystur fiskúrgangur.

2. fl.:  Gjald kr. 660 pr. tonn.
Bensín, brennsluolíur, kol, laust salt, vikur, kísilgúr, þörungamjöl, sement, áburður og úrgangur sem fluttur er til endurvinnslu.

3. fl.:  Gjald kr. 860 pr. tonn.
Lýsi og fiskimjöl, þungavarningur, svo sem sekkjarvörur, óunnið járn og stál, útgerðarvörur, smurningsolíur, sjávarafurðir, landbúnaðarafurðir, hráefni til iðnaðar og byggingarframkvæmda, pökkuð og niðursoðin matvæli, drykkjarvörur og ávextir.

4. fl.:  Gjald kr. 2.380 pr. tonn.
Aðrar vörur sem ekki eru tilgreindar í 1.-3. fl.

Af flutningi vinnutækja innanlands skal veita allt að 50% afslátt.  Vörugjald greiðist ekki af bifreiðum ferðamanna, enda ferðast eigendur með sama skipi.

5. fl.:  Gjald 1,60% af aflaverðmæti.
Sjávarafli lagður á land eða í skip á hafnarsvæðinu til vinnslu eða brottflutnings, þ.m.t. fiskur og seiði úr eldiskvíum.  Gjaldið reiknast af heildarverðmæti aflans.  Gjald af frysstum afla frystitogara og eldisfiski reiknast af helmingi heildarverðmætis.  Gjald af saltfiski sem landað er, reiknast miðað við tvöfalda þyngd.

Gjald af sjávarafla sem fluttur er erlendis með gámum og seldur þar, reiknast af söluverðmæti aflans. Kaupanda aflans ber að afhenda Sandgerðishöfn skýrslu um keyptan afla mánaðarlega, t.d. afrit af sundurliðaðri aflaskýrslu til Fiskistofu Íslands eða skv. samkomulagi.Aflagjald reiknast að lágmarki miðað við útgefið fiskverð Verðlagsstofu skiptaverðs eins og það er á þeim tíma sem afla er landað. Þetta á við hvort sem um er að ræða óskylda eða skylda viðskiptaaðila sbr. 3. mgr. 9. gr. laga nr. 13/1998 um Verðlagsstofu skiptaverðs og úrskurðarnefnd sjómanna og útvegsmanna.

Aflagjaldið fellur í gjalddaga um leið og afla er landað. Kaupandi aflans innheimtir gjaldið hjá seljanda og er ábyrgur fyrir því til hafnarsjóðs þótt hann vanræki innheimtu þess. Standa ber skil á greiðslu aflagjalds eigi sjaldnar en mánaðarlega.

4. grein: Þjónustugjöld

4.1 Gjöld vegna þjónustu við komur og brottfarir skipa

Flutningur hafnsögumanns, fast gjald er kr. 38.700,-.
Fyrir leiðsögu frá ytri höfn að bryggju er fast gjald kr. 10.920,-
Að auki greiðast kr. 8,90 fyrir hvert br. tonn.

Fyrir leiðsögn frá höfn til ytri hafnar og flutning hafnsögumanns til baka greiðist sama gjald. Vegna þjónustu dráttarbáts er gjaldtaka samkvæmt taxta þess aðila sem á dráttarbátinn.  Þegar dráttarbátur flytur hafnsögumann og aðstoðar einnig skipið, fellur fast gjald fyrir flutning hafnsögumanns niður.

Festargjald fyrir hverja afgreiðslu pr. mann í dagvinnu kr. 14.710.
Festargjald fyrir hverja afgreiðslu pr. mann í yfirvinnu kr. 22.600
Sömu gjöld ber að greiða hlutfallslega fyrir hvern mann sem bætist við vegna landfesta.

4.2 Farþegagjald

Farþegagjald er innheimt við komu og brottför farþega með skipum um Sandgerðishöfn.

Fyrir hvern farþega eldri en 12 ára með skipi greiðist kr. 152.
Fyrir hvern farþega 12 ára og yngri með skipi greiðist kr. 152.

4.3 Gjöld fyrir hafnarvernd/öryggisgæslu

Með vísan til 10. gr. laga um siglingavernd nr. 50/2004 um gjaldtöku.

Öryggisgjald: Fast gjald fyrir hverja komu skips kr. 63.930.

Hafnarvernd/öryggisgæsla:

Fast gjald pr. klst. í dagvinnu kr. 8.500 fyrir hvern öryggisvörð.
Fast gjald pr. klst. í yfirvinnu kr. 10.500 fyrir hvern öryggisvörð.

4.4 Gjöld fyrir vatn, raforku og aðstöðu fyrir eldsneytisafgreiðslu

• Kalt vatn pr. m3 kr. 420.
  Heitt vatn pr. m3 kr. 830.
  Kalt vatn til minni báta, 10 br. tonn kr. 405 pr. löndun.
  Fyrir hverja kwst. raforku kr. 25,50.
  Lágmark fyrir skip yfir 100 br. tonn er 220 kwst.
  Fast tengigjald í dagvinnu kr. 4.525.
  Fast tengigjald í yfirvinnu kr. 9.135.
  Gjald fyrir aðstöðu vegna eldsneytisafgreiðslu er kr/pr. ár 248.500.

4.5 Gjöld fyrir notkun löndunarkrana

Kranagjald, fast gjald pr. löndun allt að 2 tonn kr. 1.295.
Kranagjald fyrir hvert byrjað tonn umfram 2 tonn kr. 435.
Skilagjald lykla löndunarkrana kr. 4.500.

4.6 Gjöld fyrir vigtun, skráningu sjávarafla og þjónustu í yfirvinnu

Almenn vigtun kr. 325 pr.tonn .
Skráningargjald fyrir skráningu í Gafl kr. 310 pr. tonn.
Lægsta gjald fyrir vigtun sjávarafla kr. 1.430 pr. vigtun.
Lægsta gjald fyrir vigtun vöru/tækja kr. 2.000 pr. vigtun.
Vigtar- og skráningargjald Fiskmarkað kr. 310 pr. tonn.
Fyrir vigtun sjávarafla á tímabilinu frá kl. 17:00 til kl. 21:00 og kl. 06:00 til kl. 08:00 á virkum dögum greiðist sérstakt yfirvinnugjald sem er kr. 9.135 pr. löndun.
Fyrir vigtun sjávarafla í yfirvinnu utan þess tíma sem að framan greinir, greiðir viðskiptavinur það
kostnaðarhlutfall sem höfnin verður að standa skil á vegna launasamninga. Ef fleiri en einn aðili fær þjónustu á sama tíma í yfirvinnu, skiptist kostnaður á milli aðila.
Sérstakt yfirvinnuútkall er að lágmarki 4 klst á kr. 9.135 pr. klst.

4.7 Gjöld fyrir sorphirðu og sorpeyðingu

Skip minni en 10 br. tonn kr. 1.575 pr. mán.
Skip 10 – 100 br. tonn kr.  5.855 pr. mán.
Skip 100 – 300 br. tonn kr. 7.640 pr. mán.
Skip 300 – 600 br. tonn kr. 8.100 pr. skipti.

Framangreind gjöld eru fyrir venjulega sorplosun og -eyðingu.  Höfnin getur útvegað gáma sérstaklega vegna losunar á miklum úrgangi s.s. vegna viðgerða á skipum o.þ.h.

• Fyrir móttöku og eyðingu á vírum, netum og öðrum veiðarfæraúrgangi kr. 93 pr. kg.

4.8 Lóðagjöld, geymslugjöld og gjald fyrir notkun bátarennu

Geymsla hvers kyns muna eða tækja er háð leyfi hafnaryfirvalda.  Gjald fyrir geymslu á ófrágengnum svæðum hafnarinnar er kr. 580 pr. m3 pr. mán, eða samkvæmt samkomulagi.

Geymsla gáma á opnum svæðum er kr. 7.405 pr. mánuð.

Geymsla á veiðarfærum og búnaði er frí í 5 daga að fengnu leyfi, en eftir þann tíma reiknast geymslugjald kr. 3.550 pr. dag.

Uppistöðugjald báta undir 20 br. tonn á hafnarsvæðinu er kr. 945 pr. dag, en að fjórum vikum liðnum tvöfaldast gjaldið.

5. grein: Um innheimtu og greiðslu hafnargjalda

5.1 Um framkvæmd innheimtu og ábyrgð útgerðar flutningaskipa

Innheimta allra hafnargjalda er framkvæmd af innheimtudeild Suðurnejsabæjar og gjöldin greidd til
skrifstofu bæjarins. Ef gjöldin eru ekki greidd á réttum gjalddögum er heimilt að reikna hæstu lögleyfðu dráttarvexti á skuldina skv. 3. kafla laga nr. 38/2001.
Nemi viðskipti einstakra viðskiptavina við Sandgerðishöfn meira en 25 millj. kr. á almanaksári, er heimilt að veita afslátt á gjöldum næsta almanaksárs sem nema 7,5% af heildarviðskiptum.
Útgerð og eigandi flutningaskips bera ábyrgð á greiðslu gjalda þeirra sem greiða ber til Sandgerðishafnar vegna viðkomu skipsins. Skipstjóra er skylt við komu til hafnar að gefa hafnaryfirvöldum allar upplýsingar um skipið í samræmi við ákvæði 5. mgr. 33. gr. reglugerðar nr. 326/2004 um hafnamál og afhenda Sandgerðishöfn þjóðernis- og skrásetningarskírteini.
Með vísan til 3. greinar í þessari gjaldskrá greiðist vörugjald af öllum vörum sem eru losaðar eða lestaðar í/úr flutningaskipi innan marka hafnarinnar. Vörugjaldið skuldfærist á útgerð skips áður en skipið hefur siglingu að nýju nema um annað sé sérstaklega samið. Vörugjald er á ábyrgð farmflytjanda og er afhending vöru án greiðslu vörugjalds á hans ábyrgð. Ef vörur eru fluttar úr einu skipi í annað greiðir sá vörugjaldið sem losar vöruna úr sínu skipi.

5.2 Um tryggingar fyrir greiðslu vörugjalda

Öll gjöld samkvæmt gjaldskrá þessari má ávallt tryggja með aðför að undangengnum dómi. Skipagjöldin eru tryggð með lögveði í viðkomandi skipi eða vátryggingarfé. Gengur það veð í tvö ár fyrir samningsveðskuldum sbr. ákvæði 2. mgr. 21. gr. hafnalaga nr. 61/2003.  Sandgerðishöfn er heimilt að krefjast frekari trygginga fyrir greiðslu áfallinna gjalda ef ástæða þykir til.

5.3 Um innheimtu virðisaukaskatts

Öll gjöld í gjaldskrá þessari eru án virðisaukaskatts.  Sandgerðishöfn er skylt að innheimta virðisaukaskatt af öllum gjöldum í gjaldskrá þessari, sbr. 3. tölulið 3. gr. laga nr. 50/1988 um virðisaukaskatt.

6. grein: Gildistaka

6.1 Samþykkt gjaldskrár

Gjaldskrá þessi fyrir Sandgerðishöfn er gerð skv. hafnalögum nr. 61/2003 og reglugerð um hafnamál nr. 326/2004.  Gjaldskráin var samþykkt af hafnarráði Sandgerðishafnar þann 26. nóvember 2024 og staðfest af bæjarstjórn Suðurnesjabæjar þann 7. desember 2024, til að öðlast gildi þann 1. janúar 2025 og birtist til eftirbreytni öllum þeim sem hlut eiga að máli.  Jafnframt fellur úr gildi gjaldskrá fyrir Sandgerðishöfn sem gilti frá og með 1. janúar 2024.

Suðurnesjabæ 7. desember 2024

Magnús Stefánsson hafnarstjóri