Garðaúrgangur

Öll eigum við að láta okkur umhverfið varða enda er snyrtilegt umhverfi og viðhald lóða leið að auknum yndisauka og fallegu bæjarfélagi.

Losunarstaður fyrir garðaúrgang er á tveimur stöðum í Suðurnesjabæ, ofan við Háteig í Garði og ofan Byggðavegar í Sandgerði.

Íbúar eru beðnir um að ganga vel um losunarstaðina. Ruslatunnur eru á svæðunum sem hægt er að setja poka í eftir að gras og gróðurleifar hafa verið losuð, þó best sé að taka þá með aftur heim og endurnýta.