Skipurit

 Skipurit Suðurnesjabæjar

Bæjarstjóri Suðurnesjabæjar

Bæjarstjóri Suðurnesjabæjar er Magnús Stefánsson.

Stjórnsýslu- og fjármálasvið

Sviðsstjóri: Árni Gísli Árnason

Sviðið er stoðsvið annarra sviða sem heldur utan um gæðaferla og er ætlað að tryggja að faglegri stjórnsýslu sé sinnt innan allra sviða Suðurnesjabæjar. Þá heyra fjármál, innkaupamál og reikningshald, skjalastjórnun, málefni persónuverndar, upplýsingatæknimál og starfræn þjónusta undir sviðið. Stjórnsýslusvið heldur að auki utan um markaðs – og menningarmál og sinnir upplýsingagjöf, m.a. til íbúa, starfsmanna og kjörinna fulltrúa.

Velferðarsvið

Sviðsstjóri: Guðrún Björg Sigurðardóttir

Velferðarsvið veitir fjölbreytta og metnaðarfulla velferðarþjónustu með það að meginmarkmiði að styðja við íbúa og stuðla að auknum lífsgæðum þeirra. Sviðinu er ætlað að veita íbúum heildstæða og samþætta þjónustu með velferð þeirra að leiðarljósi.

Mennta- og tómstundavið

Sviðsstjóri: Hafdís Guðrún Hilmarsdóttir

Mennta- og tómstundasvið veitir börnum og fjölskyldum heildstæða skóla- og frístundaþjónustu í leikskólum, grunnskólum, frístundaheimilum, félagsmiðstöðvum og tónlistarskólum. Sviðið sinnir einnig rekstri íþróttamannvirkja og styður við samstarf hagsmunaaðila. Skrifstofa sviðsins heldur utan um stefnumótun, þróun og faglega stjórnun þeirra fjölbreyttu þjónustu og verkefna sem unnin eru á sviðinu. 

Skipulags- og umhverfissvið

Sviðsstjóri: Jón Ben Einarsson

Sviðið annast málefni skipulags- og framkvæmda í Suðurnesjabæ og veita starfsmenn leiðbeiningar og annast m.a. lögformlega afgreiðslu skipulagserinda, sinna eftirliti með byggingum, lóðauppdráttum, skráningum á fasteignum og lóðum. Sviðið hefur einnig umsjón með fasteignum og viðhaldi eigna og mannvirkja Suðurnesjabæjar.

Sandgerðishöfn

Sandgerðishöfn er B-hluta félag með hafnarstjórn og starfar eftir hafnarlögum nr.61/2003.

Hafnarstjóri er Magnús Stefánsson, bæjarstjóri.

Mannauðs- og kjaramál

Mannauðsstjóri: Haukur Þór Arnarson

Mannauðs- og kjaramál er stoðdeild og vinnur þvert á öll svið sveitarfélagsins. Helstu verkefni snúa að ráðgjöf og stuðningi við stjórnendur og starfsfólk vegna mannauðsmála, kjaramála, launavinnslu, túlkun og framkvæmd kjarasamninga.

Framkvæmdastjórn:

Framkvæmdastjórn Suðurnesjabæjar er skipuð bæjarstjóra, sviðsstjóra stjórnsýslusviðs, sviðsstjóra velferðarsviðs, sviðstjóra mennta- og tómstundasviðs, sviðsstjóra skipulags- og umhverfissviðs og mannauðsstjóra.

Staðgengill bæjarstjóra er sviðsstjóri stjórnsýslusviðs.