Leikskólar
Leikskólinn er fyrsta skólastigið og upphaf skólagöngu barna. Í Suðurnesjabæ starfa tveir leikskólar, Grænaborg og Gefnarborg. Grænaborg er sveitarfélagsrekinn en Gefnarborg er sjálfstætt starfandi með styrk frá sveitarfélaginu.
Leikskólarnir starfa eftir lögum um leikskóla nr. 90/2008, reglugerð um starfsemi leikskóla nr. 655/2009 og aðalnámskrá. Í henni kemur fram fagleg stefnumörkun og lýsing á sameiginlegum markmiðum og kröfum sem eiga við um allt leikskólastarf.
Innritun í leikskóla
Samkvæmt innritunarreglum leikskóla Suðurnesjabæjar er miðað við að börn fái leikskólapláss allt frá 18 mánaða aldri og raðast börn á biðlista eftir fæðingarmánuði barns en ekki eftir umsóknardegi. Sérstakur biðlisti er fyrir hvern leikskóla.
Hægt er að sækja um leikskólapláss allt árið um kring en aðlögun fer að jafnaði fram í ágúst þegar nýtt skólaár hefst.
Leikskólagjöld eru innheimt samkvæmt gjaldskrá hvers árs. Veittur er systkinaafsláttur vegna systkina sem eru samtímis í leikskóla og fer umsóknaferlið í gegnum vefsíður skólanna.
Hægt er að sækja um leikskóladvöl um leið og kennitala barns hefur verið skráð í þjóðskrá. Allir foreldrar og forsjáraðilar, óháð búsetu, hafa rétt til að sækja um leikskóladvöl en lögheimilisflutningur verður að hafa átt sér stað áður en barn hefur leikskólagöngu sína.
Þegar foreldrar/forsjáraðilar fá boð um leikskóladvöl þurfa þeir að staðfesta 10 virkra daga annars er litið svo á að leikskóladvölinni sé hafnað.
Innritun er alfarið í höndum leikskólastjóra þar sem aðstæður í hverjum leikskóla fyrir sig ráða því hvenær leikskólaganga getur hafist. Þegar tilboð um leikskólavist er staðfest kynnir leikskólastjóri foreldri eða forsjáraðila ferli innritunar í leikskólann.
Námskrár
Mennta- og menningarmálaráðuneytið gefur út aðalnámskrá leikskóla. Aðalnámskrá er fagleg stefnumörkun og lýsir sameiginlegum markmiðum og kröfum sem eiga við um allt leikskólastarf. Aðalnámskrá er ákveðinn rammi um leikskólastarfið og undirstaða frekari skólanámsskrárgerðar.