Félagsmiðstöðvar
Í Suðurnesjabæ eru tvær félagsmiðstöðvar fyrir grunnskólanemendur á aldrinum 10-16 ára, félagsmiðstöðin Elding og félagsmiðstöðin Skýjaborg. Opnanirnar eru aldurskiptar milli miðstigs og unglingastigs. Á miðstigi er ein opnun og á unglingastigi eru 3 opnanir í hverru viku. Allar opnanir eru auglýstar á facebook síðum félagsmiðstöðvana.
Starfið
Félagsmiðstöðvar eru mikilvægur þáttur í lífi barna og unglinga og gegna því veigamikla hlutverki að sinna tómstunda- og félagsmálum utan hefðbundis skólatíma. Markhópur félagsmiðstöðvanna eru ungmenni í 8.-10. bekk, en einnig er í boði starf fyrir 5.-7.bekk. Félagsmiðstöðvar eiga að stuðla að jákvæðum og þroskandi samskiptum meðal barna og unglinga og örva félagsþroska þeirra og lýðræðisvitund. Starfsemi félagsmiðstöðvanna er skipulögð af ungmennunum sjálfum í samráði við starfsfólk.
Boðið er upp á fjölbreytt skipulagt tómstundastarf þar sem flestir geta fundið eitthvað við sitt hæfi. Mikilvægt er að börn og ungmenni finni að þau séu velkomin og talað sé við þau á jafnréttisgrundvelli. Einnig gegnir félagsmiðstöðin ákveðnu forvarnarhlutverki, hvort heldur sem er í gegnum leik eða skipulögðu forvarnarstarfi. Í dagskrá félagsmiðstöðvarinnar er boðið uppá allskyns afþreyingu og er dagskráin afar fjölbreytt og allir ættu að finna eitthvað við hæfi.
Félagsmiðstöðin er í góðu samstarfi við grunnskóla Suðurnesjabæjar og er stöðugt að þróa starfið í samræmi við þarfir hvers skóla fyrir sig.
Félagsmiðstöðin Elding Garði
Sími: 425 3172
Facebook: Félagsmiðstöðin Elding
Snapchat: Eldingin Garði
Instagram: eldingingardi
Félagsmiðstöðin Skýjaborg Sandgerði
- Sími 425 3038
- Facebook: Félagsmiðstöðin Skýjaborg
- Snapchat: Skyjaborg Felagsmidstod
- Instagram: skyjaborgfelagsmidstod
Tómstundafulltrúi og forstöðukona er Elín Björg Gissurardóttir.
Netfang: elin@sudurnesjabaer.is