Öldungaráð Suðurnesjabæjar og Sveitarfélagsins Voga

Öldungaráð fagnar Dagdvöl aldraðra á Garðvangi, bæði húsnæði og búnaður er til fyrirmyndar. Megi farsæld fylgja starfi um ókomin ár.

Lagt er til að Öldungaráð kynni sér dagendurhæfingarþjónustu hjá Hrafnistu, með það í huga, hvort mögulega sé hægt að útfæra hana í okkar bæjarfélögum og tengt þjónustuna því sem fyrir er.

Lagt er til að Jórunn Guðmundsdóttir sitji fund um undirbúning Sumardagsins fyrsta er varðar kynningu á heilsueflingu eldri borgara í Suðurnesjabæ.

Öldungaráð leggur áherslu á að bæjarstjórnir Suðurnesjabæjar og Sv. Voga móti stefnu í uppbyggingu búsetuúrræða fyrir eldri borgar hið fyrsta.

Öldungaráð hvetur til þess að farið verði í það að gera sólpall við Dagdvöl aldraðra á Garðvangi. Áhersla verði lögð á að pallurinn verði tilbúin í byrjun sumars 2022. Jafnframt verði farið í gerð göngustígs milli Melteigs og Garðvangs til að auðvelda aðgengi.