Framkvæmda- og skipulagsráð
Dagskrá
1.Aðalskipulag Sandgerðisbæjar 2008-2024:Tillaga að breytingu 2018
1806469
Umsagnir og athugasemdir sem bárust við lýsingu aðalskipulagsbreytingarinnar lagðar fram og tillaga að viðbrögðum við þeim.
Sjö umsagnir og athugasemdir bárust. Framlögð tillaga er unnin með t.t. þeirra ábendinga sem bárust. Samþykkt að kynna tillöguna fyrir íbúum sveitarfélagsins og öðrum hagsmunaaðilum.
2.Íbúðasvæði sunnan Sandgerðisvegar:Tillaga að deiliskipulagi 2018
1806454
Tillaga að nýju deiliskipulagi íbúðabyggðar sunnan Sandgerðisvegar lögð fram.
Ráðið samþykkir drög að deiliskipulagi íbúðarsvæðis sunnan Sandgerðisvegar og leggur til við bæjarstjórn auglýsa tillöguna.
3.Aðalskipulag sameinaðs sveitarfélags: Endurskoðun
1807035
Bæjarstjórn samþykkir að hefja endurskoðun Aðalskipulags sameinaðs sveitarfélags Sandgerðisbæjar og Sveitarfélagsins Garðs og felur Framkvæmda-og skipulagsráði að vinna verkefnislýsingu fyrir endurskoðunina þar sem fram komi verk-, tíma-og kostnaðaráætlun.
Umhverfissviði og formanni ráðsins falið að undirbúa málið í samræmi við umræður á fundinum.
4.Kjörnar nefndir: erindisbréf
1808028
Drög að erindisbréfi fyrir Framkvæmda og skipulagsráð lagt fram til umsagnar.
Bryndísi falið að uppfæra erindisbréfið í samræmi við umræður á fundinum.
5.Fráveita: Samþykkt um fráveitu
1808017
Til umræðu fráveitugjald í sveitarfélaginu
Ráðið leggur til að fyrirkomulag fráveitumála verði óbreytt í sveitarfélaginu.
Ráðið leggur til að bæjarstjórn samræmi fráveitugjald (holræsagjald) og stofngjald fráveitu í sveitarfélaginu.
Ráðið leggur til að bæjarstjórn samræmi fráveitugjald (holræsagjald) og stofngjald fráveitu í sveitarfélaginu.
6.Vatnsveita: Gjaldskrá vatnsveitu
1808018
Til umræðu samþykkt um vatnsveitu
Ráðið leggur til að bæjarstjórn breyti samþykkt um vatnsveitu og stefnt verði að því að gjöld milli byggða í sveitarfélaginu verði eins sambærileg og unnt er.
7.Gjaldskrár: sameinað sveitarfélag Sandgerðis og Garðs
1806803
Tillaga að gjaldskrá lögð fram. Ráðið fjalli um þá gjaldaliði sem heyri undir verkefnasvið þess.
Ráðið leggur til að bæjarstjórn samræmi gatnagerðargjöld í sveitarfélaginu og lóðarleigu.
8.Sunnubraut 3: Umsókn um byggingarleyfi: Bráðabirgðastækkun leikskólans Gefnarborgar
1807039
Niðurstaða grenndarkynningar lögð fram.
Tvær athugasemdir bárust í kjölfar grenndarkynningar. Samþykkt að fresta áformum um bílastæði fyrir starfsfólk við suðausturenda lóðar með t.t. athugasemda sem bárust en samþykkja fyrirhuguð byggingaráform að öðru leiti.
9.Fálkavöllur 8: Umsókn um byggingarleyfi:Stækkun eldsneytisbirgðastöðvar
1808041
EBK ehf. sækir um byggingarleyfi fyrir stækkun eldneytisbirgðastöðvar fyrirtækisins við Fálkavöll 8
Ráðið samþykkir fyrirhuguð byggingaráform. Byggingarfulltrúa falin afgreiðsla byggingarleyfis.
10.Sjónarhóll 8: umsókn um byggingarleyfi
1807040
Lóðarhafi sækir um byggingarleyfi vegna byggingar einbýlishúss.
Ráðið samþykkir fyrirhuguð byggingaráform. Byggingarfulltrúa falin afgreiðsla byggingarleyfis.
11.Bjarg: Húsnæði: stofnframlag
1806474
Tillaga að nýrri lóð undir 5 íbúða raðhús sem Bjarg íbúðafélag mun byggja lögð fram.
Ráðið leggur til að Bjarg íbúðafélag sæki um lóðina Fjöruklöpp 26-34 Garði undir byggingu 5 íbúða raðhúss sem félagið hyggst reisa.
12.Lækjamót 81-83: umsókn um lóð
1807078
Fagurhóll Investments ehf.sækir um lóðina Lækjamót 81-83 Sandgerði undir byggingu parhúss.
Samþykkt.
13.Lækjamót 73-75: umsókn um lóð
1807077
Pixum fasteignafélag og Fagurhóll Investments ehf.sækir um lóðina Lækjamót 73-75 Sandgerði undir byggingu parhúss.
Samþykkt að úthluta lóðinni til Pixum fasteignafélags.
14.Þrastarland 1-16: umsókn um lóðir
1807106
Bragi Guðmundsson ehf sækir um lóðirnar Þrastarland 1-16 til byggingar á 15 íbúðum í par- og keðjuhúsum.
Samþykkt
15.Brimklöpp 10: umsókn um lóð
1807109
Tómas Jónsson sækir um lóðina Brimklöpp 10 Garði undir byggingu einbýlishúss.
Samþykkt.
16.Brimklöpp 11: umsókn um lóð
1808001
Sævar Þór Svanlaugsson sækir um lóðina Brimklöpp 11 Garði undir byggingu einbýlishúss.
Samþykkt
17.Fjöruklöpp 17-19: umsókn um lóð
1808026
Paul Ragnar Kummer sækir um lóðina Fjöruklöpp 17-19 Garði undir byggingu parhúss.
Samþykkt
18.Þinghóll 2: umsókn um lóð
1808004
Jóhanna Halldórsdóttir sækir um lóðina Þinghóll 2 Sandgerði undir byggingu einbýlishúss.
Samþykkt
19.Bjarmaland 15: bílastæði: breyting á staðsetningu
1808045
Eigandi Bjarmalands 15 óskar eftir að fá samþykkt 2 viðbótarbílastæði á lóð sína sem snýr að Klapparstíg. Samþykki nágrannalóðar, Klapparstíg 8, fylgir erindinu.
Samþykkt að leyfa 2 viðbótarstæði á lóð.
20.Stækkun Keflavíkurfluvallar: kynning á drögum að matsáætlun
1807105
Drög að tillögu að matsáætlun vegna stækkunar Keflavíkurflugvallar lagt fram til kynningar í samræmi við reglugerð um mat á umhverfisáhrifum.
Ráðið gerir ekki athugasemdir við drög að tillögu um matsáætlun.
21.Framkvæmdaráætlun verklegra framkvæmda 2018
1808043
Framkvæmdir sem hafa verið í vinnslu og eru framundan kynntar fyrir ráðinu.
Máli frestað til næsta fundar.
Fundi slitið - kl. 19:45.