Bæjarstjórn

Fyrri umræða.

Á 92. fundi bæjarráðs dags. 09.03.2022 var eftirfarandi bókað um málið: Bæjarráð Suðurnesjabæjar lýsir yfir vilja til þess að leggja sitt af mörkum við að hjálpa úkraínsku þjóðinni og lýsir sig reiðubúinn til þess að taka á móti flóttafólki eftir bolmagni sveitarfélagsins. Þá mun Suðurnesjabær leggja aukna áherslu á að sinna starfsskilyrðum sínum er kemur að málefnum vegalausra barna við Flugstöð Leifs Eiríkssonar. Mikilvægt er að kanna framboð húsnæðis í sveitarfélaginu og er félagsþjónustu falið að fylgja málefninu eftir og kanna hvaða þjónustu þarf að veita. Íbúar og fyrirtæki í sveitarfélaginu eru hvött til að hafa samband við sveitarfélagið ef þau hafa húsnæði til afnota.

Á 92. fundi bæjarráðs dags. 09.03.2022 var fjallað um erindi með boði um forkaupsrétt Suðurnesjabæjar á fiskiskipinu Röðull GK-079. Bæjarráð samþykkti samhljóða að Suðurnesjabær falli frá forkaupsrétti á fiskiskipinu Röðull GK-079.

Á 35. fundi dags. 16.03.2022 samþykkti framkvæmda-og skipulagsráð að fyrirliggjandi vinnslutillaga, ásamt umhverfismatsskýrslu, verði kynnt íbúum og send til umsagnaraðilum til umsagnar. Sviðsstjóra skipulags-og umhverfissviðs í samstarfi við ráðgjafa var falið að kynna tillöguna í samræmi við ákvæði skipulagsreglugerðar, þ.e. gr. 4.6.1. Kynning aðalskipulagstillögu á vinnslustigi.

Á 35. fundi dags. 16.03.2022 samþykkti framkvæmda-og skipulagsráð tillögu að breytingu á aðalskipulagi Garðs 2013-2030 á svæðinu við Garðskaga ásamt umhverfisskýrslu og leggur til að bæjarstjórn samþykki að senda tillöguna til athugunar hjá Skipulagsstofnun með ósk um heimild til að auglýsa og kynna tillöguna.

Á 35. fundi dags. 16.03.2022 samþykkti framkvæmda-og skipulagsráð tillögu að breytingu á deiliskipulagi Garðskaga og leggur til að bæjarstjórn samþykki að auglýsa og kynna tillöguna skv. 41. og 43. gr. skipulagslaga samhliða aðalskipulagsbreytingu sama svæðis.

Á 35. fundi dags. 16.03.2022 samþykkti framkvæmda-og skipulagsráð tillögu að deiliskipulagi reitsins og leggur til að bæjarstjórn samþykki að auglýsa og kynna tillöguna skv. 41. gr. skipulagslaga.

Á 32. fundi fræðsluráðs dags. 18.03.2022 samþykkti fræðsluráð skóladagatöl Sandgerðisskóla og Gerðaskóla fyrir skólaárið 2022-2023.

Á 6. fundi ungmennaráðs, dags. 25. mars var upphituð hlaupabraut til umræðu og lagt til við bæjarstjórn að lögð verði áherslu á að koma verkefninu á dagskrá til dæmis í kjölfar nýs Knattspyrnuvallar. Ungmennráð leggur jafnframt til að það verði Sandgerðismegin.

Bókun frá B- og J-lista.
Samkvæmt 11. gr. sveitarstjórnarlaga nr. 138/2011 skal fjöldi aðalmanna í sveitarstjórn þar sem íbúar eru 2.000-9.999 vera 7-11. Íbúar Suðurnesjabæjar eru um 3800 og önnur sveitarfélög á landinu með svipaðan fjölda íbúa hafa flest 7 aðalmenn í sveitarstjórn, þeim fjölgar í 9 þegar íbúafjöldi nær 5000. Því telja fulltrúar B- og J-lista mikilvægt að endurskoða fjölda bæjarfulltrúa og fækka þeim úr 9 í 7.
Ástæða fjölgunar bæjarfulltrúa í byrjun síðasta kjörtímabils var að fá sem flesta að borðinu til að vinna að sameiningarferli sveitarfélaganna Sandgerðis og Garðs. Nú hefur sú vinna staðið yfir í fjögur ár og teljum við að verkefnum sveitarfélagsins geti vel verið sinnt af 7 bæjarfulltrúum eins og hjá öðrum sveitarfélögum af svipaðri stærð. Með þessu er hægt að hagræða í launakostnaði sveitarfélagsins og gera störf sveitarstjórnar skilvirkari. Kostnaður sveitarfélagsins fyrir hvern bæjarfulltrúa er í kringum 4.000.000 á ári, sem gerir í kringum 32.000.000 fyrir kjörtímabilið.
Þrátt fyrir að ekki er hægt að verða við þessu fyrir sveitarstjórnarkosningar núna í maí 2022 viljum við fulltrúar B- og J-lista vekja athygli á þessu og með því hvetja nýja bæjarfulltrúa til þess að fylgja málinu eftir. Þá hvetjum við nýja bæjarfulltrúa, samhliða því að fækka aðalmönnum í sveitarstjórn, til þess að endurskoða skipan nefnda og ráða með það að markmiði að gera nefndarstörf sveitarfélagsins skilvirkari og auka aðkomu einstakra nefndarmanna að stefnumótun sveitarfélagsins í veigamiklum málum sem snerta alla íbúa.

Kjörskrá.

Fundur dags. 09.03.2022.

Fundur dags. 23.03.2022.

Fundur dags. 08.03.2022.

Fundur dags. 16.03.2022.

Fundur dags. 18.03.2022.

Fundur dags.24.03.2022.

Fundur dags. 25.03.2022.

Fundur dags. 28.03.2022.

908. fundur stjórnar dags. 25.03.2022.

777. fundur stjórnar dags. 16.03.2022.

Fundur dags. 09.02.2022.