Bæjarráð
Dagskrá
1.Leikskólinn Sólborg rekstur
2208012
Minnisblað frá sviðsstjóra fjölskyldusviðs og fjármálastjóra varðandi rekstrarkostnað vegna framkvæmda á húsnæði leikskólans Sólborgar. Guðrún B Sigurðardóttir sviðsstjóri fjölskyldusviðs og Elísabet G Þórarinsdóttir fjármálastjóri sátu fundinn undir dagskrármálum 1 - 3.
Afgreiðsla: Samþykkt samhljóða að fela bæjarstjóra að láta vinna tillögu um viðauka við fjárhagsáætlun samkvæmt minnisblaðinu og leggja fyrir bæjarráð.
2.Leikskólinn Sólborg
1901046
Minnisblað frá sviðsstjóra fjölskyldusviðs vegna viðauka um aðilaskipti rekstrar leikskólans Sólborgar.
Afgreiðsla: Samþykkt samhljóða að fela bæjarstjóra að ganga frá viðauka við samning við Hjallastefnuna ehf um aðilaskipti rekstrar og jafnframt viðauka við fjárhagsáætlun vegna málsins.
3.Stuðningsþjónusta almennt
2302021
Minnisblað frá sviðsstjora fjölskyldusviðs og deildarstjóra félagsþjónustu varðandi viðauka vegna vistunarúrræðis.
Afgreiðsla: Samþykkt samhljóða að fela bæjarstjóra að undirbúa viðauka vegna kostnaðar við vistunarúrræði.
4.Rekstraryfirlit 2023
2304039
Lagt fram rekstraryfirlit fyrir tímabilið janúar-ágúst 2023. Elísabet Þórarinsdóttir fjármálastjóri sat fundinn undir dagskrármálum 4 og 5.
Afgreiðsla: lagt fram.
5.Fjárhagsáætlun - lántaka
2207012
Tillaga frá fjármálastjóra um lántöku samkvæmt fjárhagsáætlun.
Afgreiðsla: Samþykkt samhljóða að veita heimild til lántöku hjá Lánasjóði sveitarfélaga að fjárhæð allt að kr. 300.000.000, samkvæmt tillögu fjármálastjóra og í samræmi við fjárhagsáætlun 2023.
6.Erindi frá Unglingaráðum Reynis og Víðis
2309078
Með erindi dags. 14. september 2023 fara unglingaráð Reynis og Víðis þess á leit að settur verði á laggirnar frístundabíll fyrir unga iðkendur sem þurfa að fara milli byggðarkjarna til að sækja íþróttaæfingar.
Afgreiðsla: Samþykkt samhljóða að fela bæjarstjóra að leita leiða til að hefja frístundaakstur milli byggðarkjarnanna í Suðurnesjabæ, eins og fram kemur í erindinu.
7.Heilbrigðisþjónusta í Suðurnesjabæ
2010066
Þingslályktunartillögur og erindi varðandi heilbrigðisþjónustu í Suðurnesjabæ.
Bókun fundar: Bæjarráð tekur undir og lýsir ánægju með þingsályktunartillögur þingmanna um heilbrigðisþjónustu í Suðurnesjabæ.
Afgreiðsla: Bæjarstjóra falið að fylgja málinu eftir.
Afgreiðsla: Bæjarstjóra falið að fylgja málinu eftir.
8.Sveitarfélagið Vogar - sameiningarmál-ósk um fund
2309116
Erindi frá Sveitarfélaginu Vogum dags. 24. september 2023 með bókun bæjarráðs varðandi valkostagreiningu vegna sameiningar sveitarfélaga. Óskað er eftir fundi með fulltrúum Suðurnesjabæjar til þess að ræða málefnið og kanna hvort grundvöllur sé til þess að skoða það frekar, t.d. með óformlegum könnunarviðræðum sem miða að því að meta kosti og ókosti sameiningar.
Afgreiðsla: Samþykkt að þiggja boð Sveitarfélagins Voga um fund til að ræða málefnið.
9.Leikskóli við Byggðaveg-Framkvæmdir
2109077
Minnisblað frá sviðsstjóra skipulags-og umhverfissviðs um hönnun leikskólalóðar, þar sem m.a. er óskað eftir heimild til samninga við Landslag ehf um hönnun leikskólalóðarinnar.
Afgreiðsla: Samþykkt samhljóða að veita heimild til að ganga til samninga við Landslag ehf um hönnun leikskólalóðar.
10.Málstefna Suðurnesjabæjar
2309090
Minnisblað frá bæjarstjóra um mótun málstefnu, með tilvísun í 130. gr. sveitarstjórnarlaga nr. 38/2011.
Afgreiðsla: Samþykkt samhljóða að fela bæjarstjóra að láta vinna málstefnu Suðurnesjabæjar.
Fundi slitið - kl. 17:22.