Aðgerðastjórn

Farið yfir fundargerð aðgerðastjórnar Almannavarna á Suðurnesjum af fundi fyrr í dag. Farið yfir þróun
fjölda smita og sóttkvíar síðustu daga. Þróunin hefur verið jákvæð og í rétta átt, smitum og
einstaklingum í sóttkví hefur fækkað verulega á Suðurnesjum undanfarna viku.

Farið yfir tilslakanir sem gefnar hafa verið út í reglugerð. Litlar breytingar almennt er varðar starfsemi
sveitarfélagsins. Von er á frekari leiðbeiningum m.a. varðandi íþróttastarf og annað tengt skólastarfi.
Skoðað verði að skólastarf verði með óbreyttu sniði næstu tvær vikur eins og verið hefur, þ.m.t. varðandi
Íþróttastarf o.fl. Sviðsstjóri fjölskyldusviðs mun fara yfir þessi mál með deildarstjóra fræðsluþjónustu og
skólastjórnendum.

Farið yfir upplýsingar frá deildarstjóra fræðsluþjónustu frá því fyrir helgina. Skólastarf í skólum
Suðurnesjabæjar hefur gengið vel síðustu viku, þrátt fyrir erfiðar aðstæður. Ekki
mikið um fjarvistir nemenda og starfsfólks vegna áhrifa af Covid.

Starfsemi og þjónusta sveitarfélagsins hefur gengið vel og engin sérstök tilvik tengd Covid komið upp.
Vel er gætt að smitvörnum og starfsmannahópum hefur verið skipt upp þar sem þörf hefur verið vegna
fjöldatakmarka hópa í sama rými.

Aðgerðastjórn Suðurnesjabæjar ítrekar hvatningu til allra um að virða og fara í einu og öllu eftir
leiðbeiningum og reglum um sóttvarnir. Við erum öll almannavarnir og berum öll sameiginlega ábyrgð
á því að kveða niður faraldurinn. Hvetjum hvert annað til dáða og minnum hvert annað á ábyrga
hegðun við þær aðstæður sem uppi eru í okkar samfélagi.