Upplýsingar í kjölfar eldgoss

Eftirfarandi upplýsingar fyrir íbúa Suðurnesjabæjar:

Almannavarnir hafa lýst yfir neyðarástandi vegna eldgoss nærri Grindavík. Gott er fyrir íbúa Suðurnesjabæjar að kynna sér ýmsar leiðbeiningar, upplýsingar og aðgerðaáætlanir sem hafa verið gefnar út. 

Varðandi mögulega loftmengun frá eldgosinu er bent á vefsíðuna loftgæði.is sem er á vef Umhverfisstofnunar. Þar má finna loftgæðamæla sem eru staðsettir í Sandgerði og í Garði auk fleiri mæla á á svæðinu. Einnig er íbúum bent á að fylgjast með veðurspám og spám Veðurstofunnar um dreifingu mengunar frá eldgosinu.

Fyrirmæli varðandi hugsanlegar aðgerðir sem snúa að íbúum eru gefin út af Almannavarnadeild ríkislögreglustjóra og aðgerðastjórn Almannavarna á Suðurnesjum.  Á vef Almannavarna má finna ýmsar frekari upplýsingar.

Ýmsar upplýsingar sem tengjast framangreindu má m.a. finna á eftirfarandi vefsíðum:

• Almannavarnir
• Rýmingaráætlun fyrir Suðurnesjabæ
• Ráðleggingar vegna heilsufarslegra áhrifa (Embætti landlæknis)
• Ráðleggingar um viðbrögð við gasmengun (Umhverfisstofnun)
• Upplýsingar um Loftgæði (Umhverfisstofnun)
• Sálræn einkenni við náttúruvá
• Líðan okkar - Góð ráð við kvíða og áhyggjum (Embætti landlæknis)
• Facebook síða Lögreglunnar á Suðurnesjum
• Færð og veður (Vegagerðin)Rýmingaráætlun fyrir Suðurnesjabæ
• HS veitur 
• Informacje jesli dojdzie do erupcji w Reykjanes

Hugur okkar er hjá Grindvíkingum á þessum erfiðu tímum.