Í Suðurnesjabæ verður ýmislegt um að vera á Öskudaginn
Ratleikur
Við höfum sett upp stafrænan ratleik fyrir bæði hverfin í Suðurnesjabæ, Garði og Sandgerði sem gengur út á það að safna stigum. Hægt er finna Ratleikjaappið bæði fyrir Iphone síma og Android síma á heimaíðunni sysla.is.
Þegar búið er að klára ratleikinn er hægt að skila inn staðfestingu á þátttöku á bókasöfnum Suðurnesjabæjar á opnunartíma og við drögum út heppna aðila sem hljóta glaðning.
Við hvetjum fjölskyldur til þess að fara í ratleikinn saman og njóta samverunnar um leið og nánasta umhverfi er kannað. Hægt er að skila inn úrlausnum fram yfir helgi, eða til 7. mars 2022.
Margt í boði á Öskudaginn:
- Leikskólinn Sólborg. Nemendur fá góðgæti með heim að degi loknum.
- Leikskólinn Gefnarborg. Nemendur fá góðgæti með heim að degi loknum.
- Sandgerðisskóli – Skóla lýkur kl. 11:30. Nemendur og starfsfólk mæta í grímubúningum og gera sér glaðan dag. Sjá nánar upplýsingar frá skóla. Nemendur fá góðgæti með heim að degi loknum.
- Gerðaskóli – Skóla lýkur kl.11:30. Nemendur og starfsfólk mæta í grímubúningum og gera sér glaðan dag. Sjá nánar upplýsingar frá skóla. Nemendur fá góðgæti með heim að degi loknum.
- Bókasafn Suðurnesjabæjar í Sandgerði – opið til kl.17:30.
- Sundlaugin í Sandgerði – opið til kl. 20:30.
- Sundlaugin í Garði – opið til kl. 20:30.
- Auðarstofa og Miðhús- Búningar og skemmtilegheit í boði verður að koma að syngja fyrir nammi
- Elding – Öskudagsfjör fyrir 8.-10. bekki Í íþróttamiðstöðinni í Garði frá kl.21.00-22.00.
- Skýjaborg – Öskudagsfjör fyrir 8.-10. bekki í íþróttamiðstöðinni í Sandgerði frá kl.20.30-22.00.
Þess má geta að stofnanir sveitarfélagsins taka að sjálfsögðu á móti syngjandi börnum og munu gefa góðgæti til allra barna sem mæta.
Góða skemmtun og gleðilegan öskudag!
Munum sóttvarnir og pössum okkur á veðrinu.