Bæjarstjórn

Tóku til máls:
HA, DB, MSM, SG, AKG, ERS, HH og BJS

Bókun bæjarfulltrúa B og M lista:
Samkvæmt 49. grein samþykktar um stjórn Suðurnesjabæjar og fundarsköp bæjarstjórnar ræður bæjarstjórn bæjarstjóra til að annast framkvæmd ákvarðana bæjarstjórnar og verkefni sveitarfélagsins.
Það vekur því vonbrigði að ráðning bæjarstjóra fyrir kjörtímabilið 2026-2030 hafi farið fram án raunverulegs samráðs við minnihluta bæjarstjórnar og án þess að honum væri tryggð eðlileg aðkoma að jafn mikilvægu ákvörðunarferli. Þegar um er að ræða ráðningu æðsta stjórnanda sveitarfélagsins hefði mátt ætla að áherslur um samstarf, gagnsæi og samstöðu næðu einnig til framkvæmdarinnar.
Bæði D-listinn og S-listinn hafa ítrekað lýst því yfir að þau vilji byggja störf bæjarstjórnar á samstöðu. Á óformlegum fundi oddvita fyrir fyrsta fund nýrrar bæjarstjórnar var sérstaklega rætt um mikilvægi gagnsæis og þess að minnihlutinn fengi virka aðkomu að ráðningarferli nýs bæjarstjóra. Það er því miður að sjá að þau fyrirheit endurspegluðust ekki í framkvæmd. Það sem sagt var í upphafi kjörtímabilsins samræmist ekki þeirri stjórnsýslu sem síðan tók við.
Við gerum okkur fulla grein fyrir því að meirihlutinn hefur umboð til að ráða bæjarstjóra. Það breytir þó ekki þeirri staðreynd að hægt er að nýta það umboð með ólíkum hætti. Þegar meirihluti kýs að útiloka minnihlutann frá raunverulegri þátttöku í jafn mikilvægu ferli er erfitt að tala um samráð og samstöðu sem leiðarljós í stjórnun sveitarfélagsins. Traust byggist á verkum en ekki yfirlýsingum.
Í gegnum allt ráðningarferlið þurfti minnihlutinn ítrekað að óska eftir upplýsingum um framvindu málsins. Það var ekki fyrr en á upplýsingafundi með ráðningarskrifstofunni föstudaginn 26. júní sem okkur var greint frá því að tveir umsækjendur stæðu eftir í ferlinu. Þar kom jafnframt fram að þeir ættu að vinna verkefni þar sem meðal annars var lagt mat á hugmyndir þeirra um hvernig efla mætti samheldni, sátt og þá tilfinningu íbúa að þeir væru hluti af sameinuðu sveitarfélagi. Það er umhugsunarvert að á sama tíma og slíkar kröfur voru gerðar til umsækjenda var ekki lögð sambærileg áhersla á að skapa samstöðu og traust meðal kjörinna fulltrúa bæjarstjórnar.
Í reynd hafði minnihlutinn engar raunhæfar forsendur til að taka upplýsta afstöðu til ráðningarinnar. Okkur var hvorki veitt raunveruleg aðkoma að matsferlinu né tækifæri til að kynna okkur þá umsækjendur sem eftir stóðu með sambærilegum hætti og meirihlutinn. Því var okkur gert að taka afstöðu til ráðningar án þess að búa yfir sömu upplýsingum eða forsendum og þeir bæjarfulltrúar sem leiddu ferlið. Slík vinnubrögð samræmast hvorki þeim sjónarmiðum um gagnsæi og samráð sem lýst var yfir í upphafi kjörtímabilsins né þeirri ábyrgð sem allir kjörnir fulltrúar bera gagnvart íbúum sveitarfélagsins.
Fjórir bæjarfulltrúar minnihlutans höfðu því enga aðkomu að ráðningarferlinu. Ráðning bæjarstjóra er ákvörðun sem hefur áhrif á allt sveitarfélagið og því eðlilegt að allir kjörnir fulltrúar hafi raunhæfa aðkomu að ferlinu, jafnvel þótt meirihlutinn taki endanlega ákvörðun.
Af þeim sökum getum við ekki greitt atkvæði með ráðningu nýs bæjarstjóra. Sú afstaða beinist ekki að umsækjandanum sjálfum heldur því ráðningarferli sem meirihlutinn kaus að viðhafa. Þegar kjörnum fulltrúum eru ekki veittar raunhæfar forsendur til að leggja faglegt mat á ráðningu geta þeir ekki borið ábyrgð á niðurstöðunni. Það teljum við ekki vera góða stjórnsýslu né traustan grunn fyrir samstarf á nýju kjörtímabili.
Þrátt fyrir það viljum við bjóða Alexöndru Jóhannesdóttur hjartanlega velkomna til starfa sem bæjarstjóra Suðurnesjabæjar og óska henni velfarnaðar í starfi. Jafnframt óskum við henni og fjölskyldu hennar farsældar í nýju samfélagi.
Við munum áfram leggja áherslu á fagleg vinnubrögð, opna stjórnsýslu og málefnalegt samstarf í þágu Suðurnesjabæjar og íbúa hans. Við bindum vonir við að samstarf við nýjan bæjarstjóra verði farsælt, byggt á gagnkvæmri virðingu og trausti og verði sveitarfélaginu til heilla.

Afgreiðsla:
Samþykkt með atkvæðum bæjarfulltrúa D og S að ráða Alexöndru Jóhannesdóttur sem nýjan bæjarstjóra Suðurnesjabæjar og staðfesta framlagðan ráðningarsamning. Bæjarfulltrúar B og M lista sátu hjá.

Bókun bæjarfulltrúa D og S:
Alexandra Jóhannesdóttir, nýr bæjarstjóri Suðurnesjabæjar boðin velkomin til starfa með von um gott og farsælt samstarf.

Tóku til máls:
MSM og SG

Afgreiðsla:
Siðareglur kjörinna fulltrúa samþykktar samhljóða, verða undirritaðar og kynntar fyrir öllum nefndum og ráðum ásamt því að verða gerðar aðgengilegar á vefsíðu Suðurnesjabæjar. Bæjarstjóra er falið að senda þær til staðfestingar til innviðaráðuneytisins í samræmi við 1. mgr. 29.gr. sveitarstjórnarlaga nr. 138/2011

Tóku til máls:
AKG

Afgreiðsla:
Samþykkt með 8 atkvæðum frá bæjarfulltrúum D lista, S lista, B lista og Sigrúnu Hörpu Sigurjónsdóttur Heide bæjarfulltrúa M lista að staðfesta tilnefningu fulltrúa í úthlutunarnefnd Uppbyggingarsjóðs Suðurnesja til stjórnar Sambands sveitarfélaga á Suðurnesjum.
Bæjarfulltrúi Daði Bergþórsson frá M lista sat hjá.

Afgreiðsla:
Samþykkt samhljóða að staðfesta tilnefninguna um fulltrúa í samráðshóp um málefni fatlaðs fólks.

Tóku til máls:
DB, BJS, MSM og AKG

Afgreiðsla:
Samþykkt samhljóða að vísa málinu til umfjöllunar í bæjarráði.

Tóku til máls:
ÁGÁ og DB

Afgreiðsla:
Tillögur í minnisblaði að framkvæma dýptarmælingar í Sandgerðishöfn samþykktar samhljóða og vísað til gerðs viðauka.

Afgreiðsla:
Samþykkt samhljóða að staðfesta viðauka nr. 5.

Afgreiðsla:
Samþykkt samhljóða að staðfesta viðauka nr. 6.

Tók til máls:
ÁGÁ

Afgreiðsla:
Samþykkt samhljóða að staðfesta viðauka nr. 7.

Tók til máls:
ÁGÁ

Afgreiðsla:
Samþykkt samhljóða að staðfesta viðauka nr. 8.

Tóku til máls:
DB, AKG og ÁGÁ

Forseti bæjarstjórnar tók fundarhlé kl. 18:40.
Fundur aftur settur kl. 19:00.

Afgreiðsla:
Fundaráætlun bæjarstjórnar og bæjarráðs út september 2026 samþykkt með atkvæðum frá bæjarfulltrúum D lista, S lista, B lista og atkvæði frá Sigrúnu Hörpu Sigrjónsdóttur Heide M lista. Bæjarfulltrúi Daði Bergþórsson frá M lista greiddi atkvæði á móti.

Tóku til máls:
DB

Tillaga bæjarfulltrúa M lista:
Miðflokkurinn leggur til að liðir B og C í grein 2.2 verði felldir brott.
Ekki er talið eðlilegt að forseti bæjarstjórnar og formaður bæjarráðs fái sérstakt álag fyrir setu á sömu fundum og aðrir bæjarfulltrúar. Slík fundarseta er hluti af þeim verkefnum sem fylgja kjöri til bæjarstjórnar og ætti því ekki að leiða til viðbótargreiðslna umfram þær sem aðrir kjörnir fulltrúar fá fyrir þátttöku í fundunum.

Afgreiðsla á tillögu M lista:
Tillaga bæjarfulltrúa M lista að liðir B og C í grein 2.2 verði felldir brott felld með atkvæðum bæjarfulltrúa D lista og S lista.
Bæjarfulltrúar M lista greiddu atkvæði með, bæjarfulltrúar B lista sátu hjá.

Bókun bæjarfulltrúa M lista:
Það fer ekki á milli mála að kjörnir fulltrúar eiga samkvæmt 32. gr. sveitarstjórnarlaga rétt á hæfilegri þóknun fyrir störf sín, auk þess sem kveðið er á um slíkt í 25. gr. samþykkta um stjórn Suðurnesjabæjar og fundarsköp bæjarstjórnar.
Hvergi í framangreindum ákvæðum er hins vegar kveðið á um að kjörnir fulltrúar sem taka að sér sérstök embætti eftir kosningar, svo sem forseti bæjarstjórnar eða formaður bæjarráðs, eigi sjálfkrafa rétt á viðbótargreiðslum vegna þeirra starfa. Færa má rök fyrir því að slík embætti séu valkvæð og að þeir sem taka þau að sér geri það af fúsum og frjálsum vilja. Á hinn bóginn viðurkennum við að ábyrgð og álag sem fylgir þessum embættum sé almennt meira en hjá öðrum kjörnum fulltrúum.
Af þeim sökum samþykkjum við 1. grein í tillögu að samþykkt um starfskjör kjörinna fulltrúa hjá Suðurnesjabæ, þar sem gert er ráð fyrir að forseti bæjarstjórnar fái 60% álag á fasta þóknun bæjarfulltrúa og formaður bæjarráðs 40% álag á fasta þóknun bæjarfulltrúa.
Við getum hins vegar ekki samþykkt liði B og C í grein 2.2, þar sem þar er gert ráð fyrir sérstakri þóknun fyrir hvern setinn fund hjá forseta bæjarstjórnar og formanni bæjarráðs. Að okkar mati er sú viðbótarþóknun þegar tekin til greina með því álagi á fasta þóknun sem þessum embættum er ætlað samkvæmt 1. grein. Ekki verður því séð að rök standi til þess að greiða sérstaka viðbótarþóknun fyrir fundarsetu umfram það sem aðrir bæjarfulltrúar fá fyrir þátttöku í sömu fundum.

Afgreiðsla:
Samþykkt með greiddum atkvæðum B lista, D lista og S lista að staðfesta samþykkt um starfskjör kjörinna fulltrúa og nefndarlaun.
Bæjarfulltrúar M lista greiddu atkvæði á móti.

Afgreiðsla:
Samþykkt samhljóða að veita Árna Gísla Árnasyni starfandi bæjarstjóra umboð til að sitja aukafund hluthafa fyrir hönd Suðurnesjabæjar.

Tók til máls:
HA

Afgreiðsla:
Samþykkt samhljóða að fela sviðsstjóra skipulags- og umhverfissviðs að auglýsa og kynna tillögu um nýtt deiliskipulag og breytingu á aðalskipulagi Bergvíkur í samræmi við 1.mgr. 36.gr. ásamt 40. og 41.gr. skipulagslaga nr.123/2010.

Tók til máls:
HA og MSM

Afgreiðsla:
Samþykkt samhljóða að staðfesta breytingu á deiliskipulagi vegna íbúasvæðis sunnan Sandgerðisvegar, Skerjahverfis og er sviðsstjóra skipulags- og umhverfissviðs falið að senda Húsnæðis-, mannvirkja- og skipulagsstofnun tillöguna til staðfestingar í samræmi við 1.mgr. 42.gr. skipulagslaga nr.123/2010.

Afgreiðsla:
Samþykkt með atkvæðum B lista, D lista, S lista og Sigrúnu Hörpu Sigurjónsdóttur Heide bæjarfulltrúa M lista að veita framkvæmdaleyfi fyrir sjóvörn við Gauksstaði í Garði.
Bæjarfulltrúi M lista, Daði Bergþórsson, sat hjá.

Afgreiðsla:
Lagt fram til kynningar.

Tóku til máls:
MSM, SG, ÁGÁ, BJS, HH, AKG, DB

Forseti bæjarstjórnar tók fundarhlé kl. 19:30.
Fundur aftur settur kl. 20:04

Tillaga frá Antoni Kristni Guðmundssyni bæjarfulltrúa B lista að taka mál 18.14 og 18.15 upp með afbrigðum lögð fram til atkvæðagreiðslu.

Afgreiðsla á tillögu:
Bæjarfulltrúar B lista samþykktu, bæjarfulltrúar D og S lista kusu á móti tillögu. Fulltrúar M lista sátu hjá.
Tillaga er því felld.

Tillaga frá bæjarfulltrúum D lista og S lista leggja til að vísa málum 18.14 og 18.15 aftur í Bæjarráð til umræðu.

Afgreiðsla:
Tillagan var samþykkt samhljóða að vísa málunum aftur í bæjarráð. Að öðru leiti er fundargerð lögð fram.

Tóku til máls:
MSM og DB

Afgreiðsla:
Lagt fram.

Afgreiðsla:
Lagt fram.

Tóku til máls:
BJS, AKG, ÁGÁ

Afgreiðsla:
Lagt fram.

Tóku til máls:
MSM og ÁGÁ

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.

Tóku til máls:
AKG og HH

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.