Bæjarstjórn

Tóku til máls: MS og JM.

Bókun bæjarstjóra vegna ársreiknings 2024:
Rekstrartekjur í samanteknum rekstrarreikningi fyrir A og B hluta námu 7.177 milljónum króna, en fjárhagsáætlun gerði ráð fyrir að rekstrartekjur væru 6.778 milljónir. Rekstrartekjur A hluta bæjarsjóðs voru 6.744 milljónir en fjárhagsáætlun gerði ráð fyrir að rekstrartekjur væru 6.425 milljónir króna. Rekstrarniðurstaða í samanteknum rekstrarreikningi fyrir A og B hluta er jákvæð að fjárhæð 376 milljónir króna en í fjárhagsáætlun var gert ráð fyrir að niðurstaðan væri jákvæð 67 milljónir. Rekstrarafkoma A hluta bæjarsjóðs er jákvæð að fjárhæð 323 milljónir en samkvæmt fjárhagsáætlun var gert ráð fyrir að niðurstaðan væri jákvæð að fjárhæð 69 milljónir króna. Rekstrarafkoma A og B hluta fyrir afskriftir og fjármagnsliði, eða framlegð er jákvæð að fjárhæð 911 milljónir króna, eða 12,69%. Rekstrarafkoma A hluta fyrir afskriftir og fjármagnsliði, eða framlegð er jákvæð að fjárhæð 701 milljón króna, eða 10,39%. Samkvæmt rekstrarniðurstöðum síðustu þriggja ára uppfyllir Suðurnesjabær jafnvægisreglu Sveitarstjórnarlaga.

Heildareignir í samanteknum reikningi A og B hluta eru 11.454 milljónir. Heildar skuldir og skuldbindingar eru kr. 6.561 milljónir. Lífeyrisskuldbinding A og B hluta í árslok 2024 var 1.466 milljónir króna. Langtímaskuldir A og B hluta við lánastofnanir eru 3.862 milljónir og næsta árs afborganir langtímalána verða 351 milljónir. Eigið fé í samanteknum reikningi A og B hluta er 4.893 milljónir.

Skuldaviðmið skv. reglum um fjárhagsleg viðmið sveitarfélaga hjá A og B hluta var 62,32%, en var 65,38% í árslok 2023 en í 64.gr. sveitarstjórnarlaga er kveðið á um að það megi ekki vera hærra en 150%. Hjá A hluta var hlutfallið 44,91%. Skuldahlutfall samkvæmt eldra viðmiði var 91,41% hjá A og B hluta en var 95,88% í árslok 2023. Skuldahlutfall A hluta var 77,8% en var 78,35% í árslok 2023.

Rekstur í samanteknum reikningsskilum A og B hluta skilaði 879 milljónum í veltufé frá rekstri, sem er um 12% af rekstrartekjum. Fjárfesting í varanlegum rekstrarfjármunum A og B hluta nam 975 milljónum. Á árinu 2024 voru tekin ný langtímalán að fjárhæð 425 milljónir króna. Handbært fé hækkaði um 170 milljónir frá fyrra ári og var handbært fé í árslok 2024 718 milljónir.

Íbúafjöldi í Suðurnesjabæ í árslok 2024 var 4.091 samkvæmt skráningu hjá Hagstofu en var 3.897 í árslok 2023. Íbúum fjölgaði því um 194 á árinu 2024, eða um 5%.

Rekstur málaflokka í A hluta bæjarsjóðs var nánast samkvæmt fjárhagsáætlun ársins. Rekstrarniðurstaða Eignasjóðs og hlutdeild í sameiginlega reknum samstarfsverkefnum var mun jákvæðari en gert var ráð fyrir í fjárhagsáætlun. Þá var rekstrarniðurstaða stofnana í B hluta nokkuð jákvæðari en áætlun gerði ráð fyrir. Helstu frávik í rekstri í samanteknum rekstrarreikningi A og B hluta miðað við fjárhagsáætlun felast í hækkun lífeyrisskuldbindinga og að fjármagnsgjöld voru mun lægri en áætlun gerði ráð fyrir, sem endurspeglar lækkun verðbólgu á árinu. Helstu frávik til aukinna tekna frá því sem gert var ráð fyrir í fjárhagsáætlun koma helst fram í hærri framlögum frá Jöfnunarsjóði sveitarfélaga og aðrar tekjur voru einnig hærri en áætlun gerði ráð fyrir.


Bókun meirihluta vegna ársreiknings 2024:
Meirihluti bæjarstjórnar Suðurnesjabæjar fagnar góðri rekstrarafkomu ársins 2024 og þakkar starfsfólki Suðurnesjabæjar fyrir þeirra framlag og eftirfylgni með fjárhagsáætlun sem skilar sér í góðum rekstri í starfsemi sveitarfélagsins.
Tekjur voru umfram áætlun sem skýrist helst af minni vaxtagjöldum og auknum framlögum til málaflokks fatlaðra. Skuldahlutfall er verulega undir 150% hámarki um fjárhagsleg viðmið sveitarfélaga, eða 62,32% í A og B hluta og 44,91% í A hluta.
Reksturinn skilar af sér um 12% af rekstrartekjum sem telst ásættanlegt og gott í rekstri sveitarfélaga.
Fjárfest var fyrir 975 milljónir á árinu og lántaka var 425 milljónir.
Helstu og stærstu fjárfestingarnar á árinu voru í uppbyggingu nýrra lóða í sveitarfélaginu, lokaframkvæmdir við leikskólann Grænuborg og lóð hans, endurnýjun gólfs í Íþróttamiðstöð Garði, sjóvarnir og aðrar minni framkvæmdir. Handbært fé hækkaði um 170 milljónir en gert var ráð fyrir rúmum 38 milljóna króna afgangi í A og B hluta fjárhagsáætlunar.

Ársreikningur 2024 ber með sér að efnahagur sveitarfélagsins er traustur sem gefur tækifæri til að styðja áfram við uppbyggingu og þjónustu við íbúa Suðurnesjabæjar.


Afgreiðsla:
Ársreikningur Suðurnesjabæjar fyrir árið 2024 samþykktur samhljóða og undirritaður.

Tóku til máls: JM og MSM.

Afgreiðsla:
Samþykkt samhljóða að ekki verði farið í formlegar sameiningarviðræður samkvæmt sveitarstjórnarlögum að þessu sinni.

Afgreiðsla:
Afgreiðsla bæjarráðs samþykkt samhljóða.

Afgreiðsla:
Afgreiðsla bæjarráðs samþykkt samhljóða.

Tók til máls: MSM

Afgreiðsla:
Lagt fram.

Tóku til máls: MSM, JM, AKG, ÚMG, HÞV, LE, OKÁ, EJP, MS og ÖB.

Fundi lokað vegna umræðu um dagskrármál 6.3.

Afgreiðsla:
Lagt fram.

Afgreiðsla:
Lagt fram.

Tóku til máls: MSM og MS.

Afgreiðsla:
Lagt fram.

Tóku til máls: AKG, MS, MSM, JM og ÖB.

Afgreiðsla:
Lagt fram.

Tóku til máls: MSM, JM, EJP og ÚMG.

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.

Afgreiðsla:
Lagt fram.