Fórst þú í ratleik á öskudaginn?

Á Öskudaginn var boðið uppá tvo ratleiki í Suðurnesjabæ þar sem íbúar gátu farið í göngutúra um hverfin tvö og safnað stigum. Hugmyndin var að þátttakendur myndu skrifa nöfn sín í gestabækur á endastöð í hvoru hverfinu fyrir sig til að komast í lukkupott sem dregið yrði úr.

Því miður voru gestabækurnar eyðilagðar og þar með var ekki hægt að draga út heppna aðila.

 Við ætlum þó ekki að gefast upp!

•  Ef íbúar eru enn með leikinn/appið í símanum er hægt að taka skjámynd af stigastöðunni og senda okkur myndina (sjá mynd með frétt).
• Íbúar eru hvattir til þess að reyna við ratleikina aftur, að hluta eða í heild, taka skjámynd af stigum og senda okkur myndina.

Skilafrestur mynda er til 19. mars og myndir skulu sendast með nafni í tölvupósti á netfangið afgreidsla@sudurnesjabaer.is.

 Við hvetjum íbúa til að kanna umhverfi sitt og taka þátt í leiknum!

Appið heitir Ratleikjaappið og er til fyrir bæði Android síma og Iphone.

Það er margt að skoða í Suðurnesjabæ – Góða skemmtun!