Breytingar á starfsemi Suðurnesjabæjar vegna sóttvarnareglna.

Breytingar á reglugerð um takmörkun á samkomum vegna farsóttar taka gildi frá og með 10. desember 2020.  Helstu breytingar á þeim sem varða starfsemi sveitarfélagsins eru að sundlaugar verða opnaðar á ný.  Niður falla ákvæði um fjöldatakmörkun, nálægðartakmörkun og grímuskyldu barna sem fædd eru 2005 og síðar.  Ákvæði um blöndun og hámarksfjölda leikskólabarna fellur brott.  2 metra regla og grímuskylda fellur niður hjá nemendum í 8. – 10. bekkjum grunnskóla.  Nánari reglur um fyrirkomulag skólastarfs frá og með 1. janúar 2021 verða kynntar fljótlega.

Að öðru leyti hafa breytingar á reglugerð nú ekki í för með sér breytingar á þeim ráðstöfunum sem hafa verið í gildi varðandi starfsemi og þjónustu Suðurnesjabæjar.  Áfram gildir hámarksfjöldi 10 manns í sama rými og 2 metra reglan, ásamt öðrum einstaklingsbundnum sóttvörnum.  Fyrirkomulag á starfsemi ráðhúsa verður óbreytt, ráðhúsin verða áfram lokuð og starfsfólki er skipt upp í hópa þannig að hverju sinni er hluti starfandi í ráðhúsi en hluti sinnir störfum frá heimili.

Áfram eru líkamsræktarstöðvar lokaðar, en varðandi íþróttastarf að öðru leyti er vísað í reglugerð.

Suðurnesjabær hvetur alla til að fara eftir leiðbeiningum og reglum um sóttvarnir og samkomutakmarkanir.  Einnig er hvatt til útiveru og líkamsæfinga utandyra.