Safnahelgi á Suðurnesjum 17. – 18. október

Safnahelgi á Suðurnesjum verður haldin dagana 17.–18. október og er óhætt að hvetja fólk til að bregða þá undir sig betri fætinum og skipuleggja rúnt um svæðið.

Safnahelgin er árlegt samstarfsverkefni sveitarfélaganna á Suðurnesjum þar sem söfn, setur, sýningar og menningarstarf á svæðinu fær að njóta sín. Markmiðið er að vekja athygli á þeirri fjölbreyttu menningu og sögu sem Suðurnesin hafa að geyma og bjóða gestum að leggja leið sína á milli staða og upplifa eitthvað nýtt.

Undirbúningur Safnahelgarinnar er nú í fullum gangi og verður boðið upp á fjölbreytta dagskrá víðs vegar um Suðurnesin fyrir gesti á öllum aldri.

Dagskrá helgarinnar verður kynnt nánar þegar nær dregur.

Takið dagana 17.–18. október frá og njótið Safnahelgar á Suðurnesjum!

Safnahelgi.is