Laus störf í Sandgerðisskóla
Stöður deildarstjóra stoðþjónustu, yfir þroskaþjálfa og heimilisfræðikennara eru lausar til umsóknar.
Sandgerðisskóli leitar að metnaðarfullu starfsfólki sem vill ná góðum árangri í skólastarfi og er tilbúið í nýungar. Við leggjum áherslu á vellíðan og framfarir nemenda, gott samstarf innan skólans og við samfélagið. Viðkomandi þarf að hefja störf 1. ágúst.
Menntunar- og hæfniskröfur – deildarstjóri stoðþjónustu
- Kennaramenntun og réttindi til kennslu í grunnskóla.
- Meistarapróf í menntunarfræðum eða öðru fagi sem nýtist í starfi.
- Reynsla af starfsmannastjórnun í skólastarfi er æskileg.
- Áhugi og reynsla til að leiða þróunarstarf.
- Framúrskarandi samskiptahæfni og skipulagshæfileikar.
- Frumkvæði og sveigjanleiki.
- Hæfni til tjáningar í ræðu og riti á íslensku og ensku.
Helstu verkefni:
- Yfirumsjón með stoðþjónustu skólans og þverfaglegri vinnu.
- Vera ráðgefandi og skipuleggja nám og íhlutun vegna nemenda.
- Umsjón með starfsfólki í samráði við aðra stjórnendur.
- Umsjón með stoðþjónustu og einstaklingsnámskrám.
- Þátttaka í störfum faglegra teyma og nefnda innan og utan skóla.
Menntunar- og hæfniskröfur – yfirþroskaþjálfi
- Leyfi til að nota starfsheitið þroskaþjálfi.
- Farsæl reynsla af vinnu með einstaklingum með fjölþættan vanda.
- Frumkvæði, sjálfstæð vinnubrögð og skipulagshæfni.
- Góð samskiptafærni og sveigjanleiki í starfi.
- Áhugi á að starfa í skapandi og metnaðarfullu umhverfi.
- Góð íslenskukunnátta.
Helstu verkefni
- Annast þjálfun, kennslu og aðlaga námsumhverfi nemenda.
- Stuðla að velferð nemenda og veita þeim aðgang að fjölbreyttu námi þar sem unnið er út frá áhugamálum og styrkleikum hvers og eins.
- Halda utan um gerð einstaklingsáætlana.
- Vera ráðgefandi um umönnun og íhlutun vegna nemenda.
- Umsjón með starfsmönnum og þróun skólastarfs í samráði við stjórnendur.
Menntunar- og hæfniskröfur – heimilisfræðikennari
- Leyfisbréf grunnskólakennara.
- Reynsla af kennslu i grunnskóla æskileg.
- Áhugi og metnaður fyrir að starfa með börnum og ungmennum.
- Jákvæðni og lipurð í samskiptum.
- Frumkvæði og sjálfstæði í vinnubrögðum.
- Áhugi á að starfa í skapandi og metnaðarfullu umhverfi.
- Viðkomandi þarf að vera tilbúinn að setja sig inn í starfshætti skólans, vinna í teymi og með hópnum að því að mæta ólíkum einstaklingum á faglegan, fjölbreyttan og skapandi hátt.
Í Sandgerðisskóla eru um 300 nemendur. Sandgerðisskóli er vel búinn, heildstæður fjölmenningarlegur grunnskóli og fjöldi starfsmanna 68. Náið samstarf er við Leikskólann Sólborg, félagsmiðstöðina Skýjaborg og Tónlistarskóla Sandgerðis. Einkunnarorð skólans eru; vöxtur – virðing – vilji – vinátta. Skólinn er heilsueflandi grunnskóli sem vinnur samkvæmt skólastefnu Suðurnesjabæjar og Uppeldi til ábyrgðar. Sjá nánar á www.sandgerdisskoli.is
Við hvetjum öll áhugasöm til að sækja um störf við Sandgerðisskóla.
Frekari upplýsingar er að finna á heimasíðu skólans www.sandgerdisskoli.is.
Umsóknarfrestur er til og með 20. mars 2022. Umsóknir og ferilskrár skal senda á netfang skólastjóra: holmfridur@sandgerdisskoli.is
Nánari upplýsingar veitir: Hólmfríður Árnadóttir, skólastjóri holmfridur@sandgerdisskoli.is