Fara í efni

Félagsþjónusta

Suðurnesjabær og Vogar mynda saman eitt félagsþjónustusvæði.

Símatími ráðgjafa er alla virka daga milli kl. 11 og 12. Símanúmer félagsþjónustunnar er 425 3000.

Félagsþjónustan veitir íbúum sveitarfélaganna ráðgjöf um félagsleg réttindamál og stuðning vegna félagslegs og persónulegs vanda. Félagsþjónustan veitir einnig þjónustu á sviði málefna barna og ungmenna, aldraðra og fólks með fötlun eins og nánar er tilgreint í lögum um félagsþjónustu sveitarfélaga nr. 40/1991, lögum um málefni aldraðra og lögum um málefni fatlaðs fólks nr 59/1992.

Tryggjum félagslegt öryggi

Félagsþjónusta Suðurnesjabæjar og Voga leitast við að tryggja íbúum bæjarfélaganna félagslegt öryggi með heildstæðri félagslegri þjónustu. Þjónustan er opin öllum bæjarbúum og er áhersla lögð á að mæta einstaklingum af virðingu og í fullum trúnaði. Jafnframt er lögð áhersla á að hjálpa einstaklingum til sjálfshjálpar, bæði með ráðgjöf og öðrum viðeigandi stuðningi..

Félagsþjónusta Suðurnesjabæjar og Voga sinnir einnig barnaverndarstarfi í sveitarfélögunum, á grundvelli barnaverndarlaga nr. 80/2002. Barnavernd miðar að því að tryggja að börn sem búa við óviðunandi aðstæður eða börn sem stofna heilsu sinni og þroska í hættu fái nauðsynlega aðstoð með því að styrkja fjölskyldur í uppeldishlutverki sínu og beita úrræðum til verndar einstökum börnum þegar það á við.

Getum við bætt efni síðunnar?