Hafnarráð

Rekstur janúar-júli er á góðu róli. Helstu frávik liggja í mun meiri tekjum en áætlað var en á móti kemur að viðhaldskostnaður er umfram áætlun, sem kemur fyrst og fremst til vegna kostnaðar af tjónum á hafnarinnviðum í óveðri í mars sl. Ekki liggur fyrir hvort Náttúruhamfaratrygging Íslands muni bæta þau tjón og að hvaða marki.
Yfirhafnarvörður fór yfir ýmis mál í starfsemi hafnarinnar og verkefni sem hefur verið unnið að. Þar á meðal er yfirferð og viðhald á innsiglingarbúnaði hafnarinnar. Farið var yfir hugmyndir um færslu á olíutönkum olíufélaganna af Suðurgarði.

Yfirferð um minnispunkta yfirhafnarvarðar varðandi vita-og öryggismál. Unnið að úrbótum varðandi öryggismál og verður því verkefni haldið áfram. Fyrir liggur að endurnýja þarf vitabúnað í Sandgerðisvita og liggja fyrir hugmyndir um það verkefni, sem verður unnið með og leitað verður eftir styrk frá Hafnabótasjóði varðandi kostnaðinn við það.

Umræða um mönnun hafnarinnar og skipulag starfseminnar og er unnið að mótun starfaskipulags og mönnunar.

Samkvæmt upplýsingum frá Vegagerðinni er gert ráð fyrir útboði á framkvæmdum við endurbætur á Suðurgarði á næstunni.

Lagt fram.