Hafnarráð

Afgreiðsla:

Fjárhagsáætlun og gjaldskrá fyrir árið 2025 samþykkt samhljóða.

Afgreiðsla:

Fulltrúar B-lista í hafnarráði lögðu fram eftirfarandi bókun:
B-listi Framsóknar óskaði ítrekað eftir því að senda fulltrúa á Hafnasambandsþingið sem haldið var á Akureyri dagana 24. og 25. október 2024. Í samræmi við það sem hefur tíðkast hingað til, þegar eftirtaldir fulltrúar hafa sótt þingið:
Hafnarstjóri
Formaður Hafnarráðs
Verkefnastjóri Sandgerðishafnar
Fulltrúi frá minnihluta
Eftir að nýr meirihluti var myndaður í Suðurnesjabæ sumarið 2024 er það ljóst að B-listi á tvo fulltrúa í Hafnarráði og því er formanni Hafnarráðs óheimilt að neita B-lista um þátttöku á Hafnasambandsþinginu.
B-listi vill minna formann Hafnarráðs á að honum ber skylda til að fara eftir lögum.
Með vísan til jafnræðisreglu 65. gr. stjórnarskrárinnar, sbr. 3. gr. stjórnskipunarlaga nr. 97/1995, krefjumst við að réttindum allra fulltrúa í Hafnarráði sé virt.

Okkar mat er að það þurfi að fara fram hlutfallskosning um hverjir eigi að fara með atkvæði Sandgerðishafnar á Hafnarsambandsþingi.

Afgreiðsla:

Hafnarráð er sammála um nauðsyn þess að ávallt sé hugað að öryggismálum á hafnarsvæði og í því sambandi er verkefnastjóra falið að láta fara yfir allar merkingar og umferðarskilti og leitast verði við að þau mál séu í góðu lagi.

Eftirfarandi bókun var lögð fram af fulltrúum B-lista:
B-listi Framsóknar leggur til að Sandgerðishöfn verði útbúin með skotbómu lyftara, ásamt snjótönn, til að tryggja að starfsmenn hafnarinnar geti sinnt fjölbreyttum verkefnum á hagkvæman og öruggan hátt.
Núverandi fyrirkomulag, þar sem höfnin hefur ekki aðgang að eigin lyftara, veldur því að treysta þarf á utanaðkomandi aðila fyrir störf sem eru óaðskiljanlegur hluti af starfsemi hafnarinnar. Með því að fjárfesta í eigin tækjum er hægt að draga úr kostnaði við verktöku og auka sjálfbærni í rekstri.
B-listi telur mikilvægt að fjárfesting í þessum búnaði sé forgangsmál og leggur því til að málið verði tekið fyrir í tengslum við gerð fjárhagsáætlunar fyrir árið 2025.

Afgreiðsla:

Tillaga fulltrúa B-lista felld með þremur atkvæðum fulltrúa S, D og O lista. Tveir fulltrúar B-lista samþykktu tillöguna.

Afgreiðsla:

Hafnarráð samþykkir samhljóða að leggja til við Suðurnesjabæ að komið verði upp nettengdri vefmyndavél á Sandgerðisvita.

Afgreiðsla:

Lagt fram.