Bæjarráð

Drög að fjárhagsáætlun 2025 ásamt þriggja ára áætlun 2026-2028 og tillögur um gjaldskrár. Kjartan Ingvarsson sérfræðingur fjármála sat fundinn undir þessum dagskrárlið.

Tillaga um viðauka nr 8, einkarekin búsetuúrræði fyrir börn með fjölþættan vanda.

Minnisblað frá bæjarstjóra um Vatnsveitu Suðurnesjabæjar.

Erindi frá Sveitarfélaginu Vogum dags. 08.11.2024. Bæjarráð samþykkti samhljóða að óska eftir því við Suðurnesjabæ að ráðinn verði sviðsstjóri Sveitarfélagsins Voga inn í samrekstur sveitarfélaganna tveggja á sviði félagsþjónustu og fræðslumála, í samræmi við tillögur í minnisblaði. Óskað er eftir að gert verði ráð fyrir stöðugildi sviðsstjóra fjölskyldusviðs Sveitarfélagsins Voga í samrekstri sveitarfélaganna í fjárhagsáætlun 2025.

Drög að erindi til Barna-og fjölskyldustofu með kröfu um greiðslu ríkisins vegna kostnaðar Suðurnesjabæjar við búsetuúrræði fyrir börn með fjölþættan vanda. Suðurnesjabær lítur svo á að samkvæmt lögum sé það skylda ríkisins að útvega úrræði fyrir viðkomandi börn og ríkið eigi þar með að bera kostnað af því en ekki velta ábyrgð og kostnaði á sveitarfélög.

Minnisblað frá teymisstjóra stuðnings-og stoðþjónustu velferðarsviðs þar sem óskað er eftir aukinni fjárheimild í fjárhagsáætlun 2024 að fjárhæð 6.500.000 vegna aukins kostnaðar fjárhagsaðstoðar.

Erindi frá Proexport ehf þar sem óskað er eftir því að tekið verði til málsmeðferðar lækkun/niðurfellingu á gatnagerðargjöldum á viðbyggingu núverandi atvinnuhúsnæðis við Strandgötu 24, á þeim forsendum að félagið sé með þessari viðbyggingu að stækka núverandi atvinnuhúsnæði en ekki byggja nýtt húsnæði frá grunni. Vísað er í 7.gr. samþykktar um gatnagerðargjöld.

Erindi frá stjórn Eignarhaldsfélags Suðurnesja hf þar sem vísað er í erindi frá fjármála-og efnahagsráðuneyti fh. Ríkissjóðs Íslands þar sem fram kemur m.a. að ráðuneytið hafi hafið undirbúning þess að losa um hlut ríkisins í félaginu og í því sambandi er fjallað um leiðir sem séu færar varðandi þá aðgerð. Óskað er eftir afstöðu hluthafa í Eignarhaldsfélagi Suðurnesja hf til erindisins.

Erindi frá verkefnisstjórn um óformlegar viðræður um sameiningu sveitarfélaganna Voga, Reykjanesbæjar og Suðurnesjabæjar. Í erindinu er gerð grein fyrir vinnu verkefnisstjórnar og þeim forsendum sem verkefnisstjórnin telur þurfa að liggja fyrir áður en bæjarstjórnir sveitarfélaganna taka ákvörðun um framhald málsins. Verkefnisstjórnin leggur til við sveitarstjórnirnar að beðið verði með ákvörðun um viðræður um sameiningu sveitarfélaganna skv. 119. gr. sveitarstjórnarlaga þar til fyrir liggur lágmarks yfirlýsing um að stjórn völd muni koma til móts við sveitarfélögin varðandi þær forsendur sem þurfa að liggja fyrir áður en til afgreiðslu kemur í bæjarstjórnunum.

Erindi frá fjármála-og efnahagsráðuneyti varðandi erindi frá Suðurnesjabæ um að ríkið taki yfir lífeyrisskuldbindingar starfsmanna sem unnu að botndýrarannsóknum á árunum 1992-2013. Lífeyrisskuldbindingarnar hafa legið hjá sveitarfélaginu en Sandgerðisbær og síðar Suðurnesjabær hafa unnið að því að ríkið samþykki að taka yfir skuldbindingarnar, enda var starfsemin á höndum ríkisins og stofnana þess á sínum tíma en ekki sveitarfélagsins. Í erindi ráðuneytisins kemur fram að vilji sé til að ríkið taki á sig allt að 50% af heildar skuldbindingu vegna málsins, en skuldbindingin stendur nú í 150 mkr.

Drög að samningi við Mílu um lagningu ljósleiðar í þéttbýli, sem byggir m.a. á samningi um styrkta ljósleiðaravæðingu í þéttbýli utan markaðssvæða dags. 19.09.2024.

Lögð fram gjaldskrá Brunavarna Suðurnesja sem samþykkt var af stjórn þann 21.11.2014.

Ályktun félagsmanna KÍ í Suðurnesjabæ dags. 21.11.2014, sem var afhent bæjarstjóra þann dag. Í ályktuninni kemur m.a. fram að félagsmenn skora á sveitarstjórn að beita sér fyrir lausn í kjaradeilu Kennarasambands Íslands, Sambands íslenskra sveitarfélaga og íslenska ríkisins. Jafnframt er skorað á sveitarstjóra og sveitarstjórn Suðurnesjabæjar að beita sér fyrir því að staðið verði við gerða kjarasamninga svo tryggt verði að laun félagsfólks í KÍ standist samanburð við laun sérfræðinga á almennum markaði.

Fundargerð neyðarstjórnar Suðurnesjabæjar dags. 21.11.2024.