Líkamsækt fyrir 67 ára og eldri

Líkamsækt fyrir 67 ára og eldri


Í tilefni 25 ára afmælis Íþróttamiðstöðvarinnar í Garði ætlar
Íþróttamiðstöðin að bjóða uppá líkamsrækt 2x í viku frá 3.október
til 21.desember á eftirfarandi dögum kl 10:00 til 11:00:

Október: 3.4.9.12.17.18.23.26.31

Nóvember: 1.6.9.14.15.20.23.28.29

Desember: 4.7.12.13.18.21

Líkamsrækt eldra fólks hefur verið að aukast og verða sýnilegri
undanfarin ár, aðallega hjá fólki sem er nýkomið á eftirlaun. Með
markvissri, stigvaxandi þjálfun má bæta heilsu og líðan fólks á hvaða
aldri sem er. Gott er að blanda saman þolþjálfun og styrktarþjálfun,
æskilegt er að þjálfa sig 2 – 4 sinnum í viku. Það er aldrei of seint að
byrja.

Dæmi um ávinning af líkamsþjálfun aldraðra eru til dæmis:
▪ Aukinn Vöðvastyrkur
▪ Betra jafnvægi og þar af leiðandi minni byltuhætta
▪ Aukið úthald við dagleg störf og tómstundir
▪ Aukinn liðleiki
▪ Hægir á beinþynningu
▪ Bætt starfsemi hjarta og æðakerfis
▪ Betri andleg líðan


Með líkamsþjálfun má bæta almenna færni og sjálfsbjargargetu
fólks. Það eykur sjálfstæði og sjálfstraust, dregur úr líkum á
þunglyndi og gerir öldruðum kleift að búa lengur heima.

Þjálfari: Þuríður Þorkelsdóttir ÍAK einkaþjálfari ( Þurý)

Viðtal við hjónin Drífu Björnsdóttur og Ingimund Þ Guðnason:

❖ Hvað hafið þið hjón stundað líkamsrækt lengi ?

o Alltaf stundað einhverja hreyfingu en núna s.l þrjú ár
verið formlega í líkamsrækt tvisvar til þrisvar í viku.

❖ Hvaða áhrif hefur líkamsrækt á ykkar daglega líf ?

o Höldum kjörþyngd og líður vel.

❖ Mælið þið með því að eldri borgarar stundi líkamsrækt ?

o Já ekki spurning.

❖ Hverjir eru kostir þess að stunda líkamsrækt ?

o Maður heldur sér lengur í formi og ekki má gleyma
félagsskapnum.

❖ Hvernig finnst ykkur aðstaða til líkamsræktar vera í
íþróttamiðstöðinni Garði ?

o Mjög góð, til fyrirmyndar.