Kynningarfundur um heilbrigðisstefnu

Heilbrigðisstefna – stefna fyrir íslenska heilbrigðisþjónustu til ársins 2030 var samþykkt á Alþingi 3. júní síðastliðinn. Þetta eru mikilvæg tímamót fyrir heilbrigðisþjónustuna í landinu.

Þann 19. ágúst næstkomandi stendur heilbrigðisráðherra fyrir opnum kynningarfundi um heilbrigðisstefnuna í heilbrigðisumdæmi Suðurnesja, í samvinnu við Heilbrigðisstofnun Suðurnesja. Fundurinn verður haldinn í fundarsal heilbrigðisstofnunarinnar, Skólavegi 6 í Reykjanesbæ og stendur frá kl. 17.00 – 19.00.

Á fundinum verður fjallað um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða í dreifðari byggðum landsins.

Dagskrá fundarins:

  • Svandís Svavarsdóttir heilbrigðisráðherra – Kynning á heilbrigðisstefnu
  • Markús Ingólfur Eiríksson forstjóri Heilbrigðisstofnunar Suðurnesja – Sýn forstjóra
  • Alma D. Möller landlæknir – Heilbrigðisstefna frá sjónarhóli landlæknis
  • Pallborð: Auk frummælenda tekur Kjartan Már Kjartansson, bæjarstjóri Reykjanesbæjar þátt í pallborðsumræðum ásamt Elsu B. Friðfinnsdóttur eða Ásthildi Knútsdóttur, skrifstofustjóra úr heilbrigðisráðuneytinu.
  • Fundarstjóri er Magnús Stefánsson bæjarstjóri Suðurnesjabæjar

Fundurinn er öllum opinn og aðgangur ókeypis.

Hér má sjá Heilbrigðisstefnu - stefnu fyrir íslenska heilbrigðisþjónustu til ársins 2030

Kynningarfundir um heilbrigðisstefnuna verða haldnir í heilbrigðisumdæmi Suðurlands 14. ágúst, í heilbrigðisumdæmi Suðurnesja 19. ágúst, í heilbrigðisumdæmi Austurlands 22. ágúst og í heilbrigðisumdæmi höfuðborgarsvæðisins 3. september.