Verndarsvæði í byggð – Krókskotstún-Landakotstún

Verndarsvæði í byggð – Krókskotstún-Landakotstún

 

Kynningar- og samráðsfundur í Vörðunni þriðjudaginn 23. október kl. 17.30.

Framkvæmda- og skipulagsráð Sameinaðs sveitarfélags Garðs og Sandgerðis samþykkti á fundi sínum 18. september s.l. að kynna bæjarbúum og öðrum hagsmunaaðilum framlagða greinargerð og vinnslutillögu Kanon arkitekta frá september 2018 fyrir Verndarsvæði í byggð, Krókskotstún-Landakotstún. Unnið er á grunni laga um verndarsvæði í byggð sem tóku gildi árið 2015, með það að markmiði að vernda sögulega byggð.

Fjallað verður stuttlega um lögin, markmið og aðferð ásamt mati á varðveislugildi byggðarinnar sem byggir einkum á húsakönnun og fornleifaskráningu og er veigamikill þáttur greinargerðar ásamt skilmálum fyrir uppbyggingu.

Íbúar og aðrir áhugasamir eru hvattir til að mæta á fundinn og kynna sér vinnslutillöguna og taka þátt í mótun hennar, með því að veita upplýsingar og koma með ábendingar sem nýtast við áframhaldandi vinnu.

Áætlað er að fundurinn standi til kl. 19:00 og boðið er upp á hressingu.

 

 

Með kveðju og ósk um góða mætingu,

Einar Friðrik Brynjarsson

Umhverfisfulltrúi Garðs og Sandgerðis