Nú veljum við nafnið!

Nú veljum við nafnið!

22. október til 3 nóvember geta íbúar valið nafn á sveitarfélagið.

Ákveðið hefur verið að efna til könnunar þar sem valið verður á milli þriggja nafna á sameinað sveitarfélag Sandgerðis og Garðs. Nöfnin sem eru í boði eru Heiðarbyggð, Suðurnesjabær og Sveitarfélagið Miðgarður. 

Könnunin fer fram á opnunartíma í ráðhúsinu í Garði og Sandgerði frá 22. október til 2. nóvember.  Ráðhúsin í Garði og Sandgerði verða opin til kl. 18:00 föstudaginn 2. nóvember, fyrir þá sem vilja taka þátt í könnuninni.

Einnig verður hægt að taka þátt í Grunnskólanum í Sandgerði og í Gerðaskóla laugardaginn 3. nóvember milli kl. 10:00 og 20:00. 

Íbúar taka þátt í því hverfi þar sem þeir búa, Sandgerðingar í ráðhúsinu í Sandgerði eða Grunnskólanum í Sandgerði og Garðmenn í ráðhúsinu í Garði eða í Gerðaskóla. 

Boðið verður uppá kaffiveitingar í tilefni dagsins  í báðum grunnskólunum milli kl. 10:00 - 17:00 laugardaginn 3. nóvember.

Allir íbúar með lögheimili í sveitarfélaginu fyrir 26. október sem eru fæddir árið 2002 eða fyrr geta tekið þátt.

Könnunin er ekki kosning í skilningi laga um kosningar. Bæjarstjórn hefur hins vegar ákveðið að niðurstöður könnunarinnar séu bindandi ef þátttaka verður meiri en 50% og einhver tillaga fær meira en 50% atkvæða. 

Nálgast má nánari upplýsingar um könnunina og nöfnin sem eru í boði hér.   

Tökum öll þátt og veljum nafn sem íbúar geta sameinast um.