Nemendur í 7. bekk Gerðaskóla færa Heiðarholti gjöf

Nemendur í 7. bekk Gerðaskóla héldu tombólu á dögunum og gáfu skammtímavistuninni Heiðarholti andvirðið eða 34.659.kr. Eyrún forstöðumaður tók mynd af hópnum við þetta tækifæri og þakkar nemendum fyrir gjöfina sem á eftir að koma sér vel en ætlunin er að kaupa spjaldtölvu sem hægt er að nýta í starfi Heiðarholts.

Við í Suðurnesjabæ erum stolt af nemendum okkar og hvetjum þau áfram til góðra verka.